Holdaper utas sa shootout
MANILA, Philippines - Napatay ang isang holdaper nang makipagbarilan sa mga pulis matapos holdapin ang isang dalaga kahapon ng madaling araw sa Parañaque City.
Kinilala ang napatay na holdaper na si Rolando Ibañez, 19, taga Satima, Brgy. Talon Dos, Las Piñas City.
Batay sa ulat, bago naganap ang engkwentro ng suspek at mga pulis dakong alas-3:20 ng madaling araw sa C5 Road Extension, Westbound, Brgy. San Dionisio ay hinoldap muna nito ang isang Shannel Cruz, 22 ng Singalong St., San Andres, Maynila habang ito ay naglalakad.
Kinuha ng suspek ang bag ng biktima at kaswal lang na naglakad sa pagtakas.
Tiyempo namang nagpapatrulya ang mga pulis sa lugar at dito nakapagsumbong ang biktima kaya’t hinabol ang suspect hanggang sa maabutan.
Sa halip na sumuko ay pinaputukan nito ang mga pulis na gumanti ng putok hanggang sa nagkaroon ng palitan ng putok na nagresulta ng agarang kamatayan ng naturang holdaper.
- Latest