Pangutana gyud
CEBU, Philippines - Nigawas ko sa balay alas dos sa kadlawon kay gigutom. Nidangop ko sa “Bente Silog” sa Punta nga duol sa akong gipuy-an kay bukas sila 24 oras. Ug tuod man, nakakaon ang timawa. Pagdayon na nakong gawas, akong gi-chika ang cashier nga diha naglingkod sa pultahan. Nangutana hangtud unsay orasa iyang duty. Ingon siya six to six. Nitubag sab ko og, kapoya ana uy. Ingon siya, ana gyud nang life. Nibawos sab siya og pangutana unsay akong trabaho. Wala ko katubag dayon kay busy kay ko og picture-picture. So siya na lay nitubag: “carpenter?”
Mao gyu'y akong nadunggan unya ako siya gitubag og: no, prostitute. Nagkataw-anay ming duha. Unya kay katugon naman ko, ni-goodbye nako. Pero pagpadung na nako sa balay, nagsige ko og pangutana, mura ko’g carpenter og nawong? Ngano mao to iyang pangutana? Haha. Hangtud pagmata nako pasado alas dyes sa buntag na, mao gyud nay una nakong pangutana: Mura gyud ko’g carpenter og nawong? Hahaha!
Pero for the record, wa ko nakaminos anang trabahoa. Importante na sila kay kun wala'y panday, unsa may atong puy-an? Also, sexy pa gyud nang ubang carpenter uy—nagburot-burot pa gyud nang pandesal sa ilang biceps, triceps, dughan ug shoulders baya. Makahunahuna ta og dautan pinakalit. Hahahaha! Naglibog lang gyud ko nganong mura’g carpenter akong nadunggan. Pakkk!
Unya nakahunahuna ko. Dili diay to carpenter iyang giingon uy kundili, call center. Husto, nagtuo to siya og call center agent ko, mao tong pangutanaha. Hahaha! My bad! And my fault! Hahaha. Sala nako kay wala sab gyud nako klaroha.
Right then and there, I was reminded nga kinahanglan gyud ta mangutana lagi kun maglibog ta. Sama sa relasyon ba, kinahanglan mangutana gyud ka kun okay ba mong duha—wala ba moy problema. Kinahanglan nga klarohon ninyo ang inyong gibati sa usag-usa ug istoryahan ninyo kun aduna ba moy kahiubos ug pagmahay nga gibati. Kana aron mas mulig-on inyong relasyon. Kay dili baya ta mananag-an. Dili man sab angayan tag-an-tag-anon ang pagbati. Klarohon gyud na. Pangutana lagi. Pakkk!
- Latest
