Mga kuta ng Abu Sayyaf binomba
MANILA, Philippines - Binomba ng tropa ng pamahalaan ang ilang kuta ng mga bandidong Abu Sayyaf Group sa isinagawang air strike at ground attack operations sa lalawigan ng Basilan.
Ito ay sa gitna na rin ng ulat na pinugutan na ng ulo ng mga bandido ang hostage na Aleman na si Juergen Gustav Kantner dakong alas-3:00 ng hapon kamakalawa sa Sulu matapos na mabigong magbayad ng P30-M ransom ang pamilya nito na patuloy pa ring kinukumpirma ng AFP ang report.
Sinabi ni Major Richard Enciso, Spokesman ng Army’s 1st Infantry Division, ilang FA-50 fighter jets ng Philippine Air Force ang nagsagawa ng air strike operations habang nagpakawala naman ang ground troops ng Philippine Army ng artillery fires sa direksyon ng pinagkukutaan ng mga kalaban.
Nabatid na bandang alas-2:57 ng madaling araw kahapon nang targetin ng tropang gobyerno ang pinagkukutaan nina Abu Furuji Indama at Nurhassan Jamiri sa kuta ng mga ito sa Brgy. Macalang, Al-Barkha,Basilan.
Pinaniniwalaan namang nalagasan rin ng puwersa ang mga bandido base sa mga patak ng dugo na nakita sa pinagkukutaan ng mga ito.
Ang airstrikes din ay sa patuloy na search and rescue operations upang mailigtas ang mga nalalabi pang mahigit 20 hostages .
- Latest
