Parak pinasok sa bahay, pinatay

MANILA, Philippines - Nasawi noon din ang isang pulis nang pasukin ang bahay nito at pagbabarilin ng mga hindi pa kilalang suspek na nakamotorsiklo kahapon ng umaga sa M’lang, North Cotabato.

Ang nasawi ay kinilalang si PO3 Lovel Tan, nakatalaga sa Intelligence Unit ng M’lang Police Station.

Batay sa ulat,dakong alas-8:00 ng umaga ay nagkakape ang biktima sa kanyang bahay at naghahanda na mag-duty nang biglang sumulpot sa lugar ang motorcycle riding in tandem suspects na kung saan ay pinagbabaril ito.

Nang bumulagta ang biktima ay mabilis na nagsitakas ang mga salarin patungo sa hindi pa malamang destinasyon.-Joy Cantos, Rhoderick Beñez-