PSN Metro ( Leaderboard Top ), pagematch: , sectionmatch: 1

Manila dad umalma vs black propaganda

MANILA, Philippines - Tahasang sinabi ni  Manila 3rd district  coun­cilor  at re-electionist  na si Atty. Joel Chua na isang malaking kasinungalingan ang naglabasang black pro­paganda laban sa kanya  sa pamamagitan ng mga mga posters na ikina­lat sa nasabing distrito ng lungsod.

Sa panayam kay Chua, sinabi nito na walang bata­yan ang akusasyon ng kan­yang kalaban sa  puli­tika na  kasama siya sa nag­benta sa ilang mga  national government pro­per­ties at binansagang “Buwaya ng  Maynila”.

Kabilang sa mga sina­sabing binenta ng  grupo ni Chua ay ang  Raha Soli­man High School, Meisic Po­lice Station, North Cem­etery, Aranque Market at pangangamkam sa Blu­mentritt Market.

Ayon kay Chua, impo­sible ang paninira na naka­saad sa mga poster dahil hindi pa siya konsehal nang lumitaw ang isyu hing­gil sa bentahan ng mga nasabing  lugar na pag-aari ng national go­vern­ment.

Bagama’t may hinala na siya kung sino ang may kagagawan ng  black pro­paganda, kailangan pa rin nila ang konkretong ebi­densiya at ito ay kanilang  sasampahan ng kasong libelo sa tamang  panahon.

  • Follow Us: