PSN Metro ( Leaderboard Top ), pagematch: , sectionmatch: 1

Binatilyo todas sa rambulan sa bola

MANILA, Philippines - Napatay ang isang 14 anyos na binatilyo nang magrambulan ang dala­wang grupo ng out-of-school youths dahil sa isang bola ng volleyball sa Rizal Park, Ermita, Maynila kahapon ng madaling-araw.

Sa ulat ni C/Insp. Erwin Margarejo, hepe ng Manila Police District- Homicide Section, ang biktimang si Jayson Pag­danganan, 14, ng 59 Purok 1, Bungad, Isla Puting Bato, Tondo, Manila ay idineklarang dead-on-arrival sa Gat Andres Bonifacio Hospital bunga ng tama ng sak­sak sa likod.

Nadakip ang tatlo sa mga suspek na sina Julius Cajefe, 16, ng 843 Camba st., Binondo, Manila; Rodney Lan­sona, 16, ng 219 San Ni­colas st., Binondo; at Edman Sapasap, 16, ng 286 Lavezares Street, Binondo.

Dahil sa menor-de- edad, inilipat na sa kus­todiya ng Department of Social Welfare and De­velopment ang tatlong suspek.

Sa imbestigasyon ni Det. Edgardo Ko, nag-ugat ang rambulan da­kong alas-2:10 ng ma­daling-araw, sa harap ng Quirino Grandstand sa Luneta nang ang grupo ng biktima na tinatayang 30 katao at ang grupo ng mga suspek na binubuo naman ng 20 katao ay naglabu-labo.

Nabatid na namama­hi­nga sa madamong parte ng Luneta ang grupo ng mga biktima ma­tapos mapagod sa paglalaro nang mapa­dako sa kanilang grupo ang volleyball na tumama sa mukha ni Pagda­nganan.

Nang kukunin ng isang 15-anyos na dala­gitang kasamahan ng mga suspek ang bola ay galit na galit umano ang biktima at kinompronta ang una.

Nagsumbong ang da­lagita sa kanyang kuya na kasama ng mga sus­pek kaya sumalakay ang mga ito sa grupo ng biktima.

Nagkasuntukan hang­gang sa bumagsak si Pagdanganan nang du­guan at may tama ng saksak sa likod kaya nagsipulasan ang mga suspek pero tatlo lamang ang nadakip ng pulisya. (Ludy Bermudo)

  • Follow Us: