Board Member ng Sorsogon, todas sa tandem

MANILA, Philippines -  Pinagbabaril ng ri­ding in tandem ang isang incumbent board member ng unang distrito ng lalawigan ng Sorsogon sa harap ng kanyang bahay sa Brgy. Pangpang, Sorsogon City kahapon ng umaga.

Namatay noon din dahil sa tama ng bala sa ulo ang biktimang si Pedro Ravanilla, 64, may-asawa ng nasabing barangay.

Batay sa ulat, dakong alas-8:50 ng umaga ay nag-aayos ang biktima ng kanyang bahay kasama ang foreman na si Honorio Deniega nang sumulpot ang isang motorsiklo na walang plaka at huminto sa tabi ng biktima at walang kaabug-abog na pinutukan ng tatlong beses na agad nitong ikinamatay.

Habang tumakas ang suspek nang masigurong napatay ang kanilang target.