Series tablahon sa Alab

CEBU, Philippines - Kompiyansa  ang Alab Pilipinas nga makabangon sa Game-2 sa ilang “best-of-three” semifinals series batok Singapore Slingers  sa ASEAN Basketball League.

Human mapilde sa Game-1 niadtong Domingo sa iskor nga 67-77, ang Alab determinado nga makabawi ilabi nga sila ang mo-host sa Game-2 sa Star Arena sa Bulacan.

Gilauman nga mowadwad  sa Alab Pilipinas  sila si Ray Parks Jr.  ug   Kiefer Ravena. Si Ravena miiskor og 16 puntos sa una niyang duwa sa Alab Pilipinas.

Aron ilang makuha ang Game-2, kinahanglan  magtinabangay ang Alab players ug  ila sab nga mapugngan ang sinaligang import sa Singapore nga si  Xavier Alexander. (BANAT NEWS)