Trader itinumba ng tandem
MANILA, Philippines - Utas ang isang negosyante matapos tambangan sa Zabarte Road sa Fairview, Quezon City kahapon ng madaling araw.
Ayon kay Police Supt. Alex Alberto ng QCPD ang biktima na kinilalang si Paul Michael Esguerra ay nagpapa-gasolina lamang ng kanyang motorsiklo nang maganap ang krimen.
Sinasabing nagpapagasolina sa nabangit na lugar ang nasawi nang bigla na lamang itong lapitan ng dalawang armadong lalaki at walang kaabug- abog na pinagbabaril sa ulo ang biktima .
Nang makitang patay na ang biktima ay agad namang tumakas ang mga salarin at saka sumakay sa isang motorsiko na naghihintay sa di kalayuan sa crime scene.
Hinala ni Alberto, may kinalaman sa negosyo ang ugat ng krimen dahil ang biktima ay may- ari ng isang bar sa nabanggit na lugar.
Gayunman, patuloy pa rin ang isinasagawang imbestigasyon sa insidente para matukoy kung sino ang salarin.
- Latest