Yen mipatim-aw na

CEBU, Philippines - Nilugwa na sa latest episode sa seryeng “Magpahanggang Wakas” sa ABS-CBN ang aktres nga si   Yen Santos .  Nasayran nga  usa si Yen sa mga artista sa ABS-CBN nga gi-build up og maayo  karong panahona.

Nauyonan sa netizens

Nag viral sa social media ang bohemian-inspired prenup shoots nila ni  Karel Marquez ug sa hinigugma niini nga si  Sean Fariñas. Kasagaran sa mga reaksyon nagkanayon nga pareson gyud ang duha. Engaged na sila si Karel ug Sean niadtong Mayo.

 Big break ni  Kristoffer

Ang  singer-/actor nga si Kristoffer Martin ang nagkanta sa   official theme song sa  seryeng  Alyas Robin Hood.   Kini nag-ulohan og Sa Piling Mo ug nakadawat kini og mga positibong feedback sa viewers.  Giasoy ni Kristoffer nga nasurprisa  siya sa dihang kalit siyang giingnan sa GMA Artist Center nga siya ang mokanta sa maong theme song.

Mibiya sa pagka- pabebe

Nanamilit na si Kathryn Bernardo sa  iyang pabebe image ug gipamatud-an niya kini atol sa Star Magic Ball kung diin nagsul-ob siya og black dress nga gihulagway sa  kadaghanan nga “most sophisticated outfit ” sa aktres sukad nilugwa kini sa nangagi nga mga Star Magic ball. Si John Valle ang Celebrity hairstylist ni Kathryn ug si Denise Go-Ochoa usab ang make-up artist niini.

Solid fan sa AlDub

Giangkon ni Tintin Bersola nga duna’y higayon nga nabulasot  siya sa kanal  gumikan sa pagsige niya og sunod-sunod nila ni Alden Richards ug Maine Mendoza.  Matud pa ni Tintin nga  dili gyud mabangbang ang iyang pagka-solid AlDub fan.

No bitterness

Gibutyag sa aktres nga si Maja Salvador nga malipayon siya alang sa ex-boyfriend niini nga si Gerald Anderson ug sa  higala  niya nga si Bea Alonzo.  Ang duha gidungog nga nagbalik. "Wala ako sa posisyon na hadlangan ang kaligayahan ng isang tao. Sobrang naka-move on na ako,” matud pa sa aktres.

Suwerte karong tuiga

Suwerte gyud karong tuiga si Alden Richards gumikan sa nagpusot-pusot nga mga positibong nahitabo sa iyang career. Kahinumdoman nga nahimong  big Winner si Alden atol sa  gipahigayon nga 2016 Star Awards for Music human  siya nilangkat og tulo ka awards sama sa Pop Album of the Year, Best Male Pop Artist, ug Song of the Year.   Gawas sa iyang singing career,  wala usab siya nabakantehe og acting projects.  

Duol sa luwag?

Gihimakak sa bag-ong sulbong  sa showbiz nga si Bruno Gabriel ang isyu nga duol siya sa luwag sa  GMA Artist Center sa GMA Network hinungdan nga siya  ang napilian aron mahimong third wheel sa love team nilang Joyce Ching ug Kristoffer Martin sa upcoming afternoon drama series nga Hahamakin Ang Lahat. Anak si  Bruno sa   Binibining Pilipinas 1998 candidate ug kanhi aktres nga si Lani Lobangco.

 Simple nga selebrasyon

Magsaulog sa iyang first birthday ang anak nila ni Dingdong Dantes ug Marian Rivera nga si  Baby Zia karong November 23. Matud pa ni Dingdong nga simple lang ang pagsaulog nila niini.

Paula nanganak na

Nanganak na og  batang lalaki ang igsoon ni Rica Peralejo nga si Paula Peralejo niadtong Martes sa buntag. Kini gibutyag ni Paula pinaagi sa  iyang Instagram account ug  nag –upload siya  og hulagway niini  uban sa iyang bana nga si Charlie Fernandez. Ginganlan sa duha og Pablo ang ilang newborn baby. (BANAT NEWS)