Mahimo ba’ng magminyo dayon kun ma-annul na ang unang kaminyoon?
Dear Atty. Divine,
Duna ko’y pangutana labot sa akong Annulment case nga gi-file sa Court. Bag-o lang ko nga nakadawat og decision sa korte nga nag-grant sa akong Petition, ug gi-annul na ang akong marriage.
Ang akong pangutana nimo attorney kun wala na ba kini laing proseso? Mahimo na ba ako nga magminyo pag-usab? Daghan kaayong salamat. -- Romy
* * *
Dear Romy,
Bisan kun na-annul na ang imong marriage sa korte apan kinahanglan nga huwaton pa nimo nga mahimong final ang maong desisyon aron dili ikaw makiha og Bigamy.
Huwaton usa nimo nga mo-issue og Certificate of Finality ang korte. Kun aduna nay Certificate of Finality, kinahanglan pa kini nga imong i-submit sa Local Civil Registrar ang maong desisyon alang sa Annotation ug dayon, i-submit sa NSO Manila for Annotation.
Kun ma-annotate na kini sa NSO, then that's the time nga puwede ka na nga magpakasal pag-usab. Thanks and God bless! – Atty Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
