3 todas, 1 kritikal sa Cara y Cruz
MANILA, Philippines - Tatlong katao ang nasawi habang isa ang nasa kritikal na kondisyon matapos na sila ay pagbabarilin ng hindi pa kilalang mga salarin kahapon ng madaling araw sa Caloocan City.
Kinilala ni Senior Ins-pector Ilustre Mendoza, city assistant chief of police for operation ang mga biktima na sina Joseph Santiago, 32; Recon Tizon, 37; at Rainier Oliver Naranja, 36, pawang construction workers at residente ng Package 4, Brgy.176, Bagong Silang at isang lalaki na nakasuot ng short pants na may tattoo na Joey sa kaliwang braso.
Batay sa ulat, dakong ala-1:15 ng madaling araw ay naglalaro ang apat ng cara y cruz sa harap ng isang tindahan sa Package 4 nang biglang sumulpot ang mga suspek at walang kaabog-abog na pinagbabaril ang mga biktima.
Namatay noon din sina Tizon at Naranja habang si Santiago at hindi pa kilalang biktima ay dinala sa Dr.Jose Rodriguez na kung saan idineklarang dead-on-arrival ang huli habang si Santiago ay nasa kritikal na kalagayan.
Narekober sa lugar ang walong basyo ng kalibre 45.
Inaalam pa ang background at mga aktibidades ng mga biktima upang madetermina ang motibo ng pamamaril sa kanila
- Latest
