Roach masasangkot sa Mayweather-Mcgregor bout

MANILA, Philippines -  Marami ang nag-aabang kung matutuloy ang bo­xing match nina Floyd Mayweather at mixed martial arts champion Conor McGregor.

Isa na sa naniniwalang maitatakda ito ay si boxing trainer Freddie Roach.

Sa kanyang pagbisita sa The MMA Hour show no­ong Lunes, sinabi ni Roach na binisita siya ng 12-time boxing champion na si Mayweather sa kanyang Wild Card gym at si­nabing lalabanan niya si McGregor.

“According to Maywea­ther, yes. He told me he would fight him. Everything is pointing in that direction right now,” wika ni Roach.

Kung mapaplantsa ang naturang boxing fight ay ikukunsidera ni Roach na sanayin si McGregor.

Si Roach ang nasa cor­ner ni Manny Pacquiao nang talunin ni Mayweather ang Filipino world-eight division champion sa kanilang super fight noong Mayo ng 2015.

Kumpiyansa si Roach na tatalunin ni McGregor si Mayweather.

“I think Mayweather is the favorite, yes, but I wouldn’t count anyone out. Because (McGregor) throws, he throws hard and he’s not afraid to throw,” wika ni Roach.

Kinontra naman ni two-time world champion Canelo Alvarez ang nasabing Mayweather-McGregor bout.

"It's a joke for boxing if that happens," sabi ni Alvarez, nakatakdang labanan si Mexican Julio Cesar Cha­vez Jr. sa Mayo.