Hindi Makuntento si Misis

Dear Vanezza,

Dati akong seaman at nagdesisyon na rito na lang sa ‘Pinas manatili tutal ay bayad na ang bahay at sasakyan namin. Kaso ang misis ko ay gusto kaming mag-migrate sa Australia. Kuntento na ako rito dahil nasisilip ko rin ang mga magulang namin. Pero nagpipilit siyang mag-apply ako sa Australia. Katuwiran niya hindi para sa aming mag-asawa, kundi sa dalawa naming anak. Tama ba si misis? – Miko

Dear Miko,

Pag-usapan ninyong mabuting mag-asawa ang isyu. Kung may pagkakataon bakit hindi samantalahin ang sitwasyon. Hindi naman agad mangyayari ang gusto ng misis mo dahil mahabang proseso ang kailangang lalo na pagdating sa financial na gagas­tusin ng inyong pamilya sa paglalakad ng inyong mga papeles. Kailangan n’yong mag-inquire sa isang agency para malaman ang mga dapat gawin. Para malaman ninyo ang lahat ng advantages at disadvantages ng inyong plano.

Sumasainyo,

Vanezza