Nakugang sa rebelasyon
CEBU, Philippines - Nakurat ang aktor nga si Benjamin Alves sa dihang giangkon ni Julie Anne San Jose sa usa ka exclusive interview sa GMANetwork.com nga dili siya single. Dugay na gidungog nga manag-uyab ang duha apan nagdumili pag-angkon si Benjamin kay matod pa nagsabot sila nga magdungan og angkon.
P136 million ang kita
Mapasigarbuhong gianunsyo sa Star Cinema nga niabot na og P136 million ang kita sa pelikulang The Unmarried Wife (as of November 25) . Malipayon ang lead star nga si Angelica Panganiban sa kalamposan sa maong pelikula. "Para sa akin rin yung perang yun. Pero hindi po ako nag-produce kaya masaya po ako para sa Star Cinema." komedya pa sa aktres.
Wala gipahulam
Napakyas si Michael Pangilinan nga makauban ang anak niini atol sa iyang adlaw’ng natawhan human wala misugot ang iyang non-showbiz ex-girlfriend nga makahimamat sa bata. Una na nga gibutyag sa singer nga ganahan siya nga makauban niya ang iyang anak sa iyang espesyal nga adlaw. Gisaulog sa singer ang iyang birthday niadtong Sabado pinaagi sa usa ka concert nga gipahigayon didto sa Rajah Sulayman sa Manila.
First kiss
Gibutyag sa Kapamilya hunk actor nga si Paulo Avelino nga siya ang first kiss ni Jesi Corcuera sa dihang nagkauban pa sila kaniadto sa StarStruck sa GMA-7. Giangkon sab sa aktor nga gwapahan kaayo siya ni Jesi sa dihang wala pa kini hingpit nga nahimong transman. "I found her so pretty, para siyang si Halle Berry. Ang ganda." tsika pa sa aktor.
Tungod ni Marvin
Giasoy sa Kapuso teen actor nga si Jeric Gonzales nga dako kaayo siya og pasalamat ngadto kang Marvin Agustin nga maoy nagtabang kaniya sa pagpasulod sa GMA-7. Kahinumdoman nga nalakip si Jeric sa artista search sa GMA-7 nga Protégé niadtong 2017 kung diin kauban niya si Thea Tolentino niadtong 2012. Giangkon usab sa aktor nga una siya nga gidala sa iyang manager didto sa ABS-CBN apan wala sila nagkaabot ni Johnny Manahan.
Piolo nataypan ni Sinon
Giangkon ni Sinon 'Rogelia' Loresca nga longtime crush niya sa showbiz ang Kapamilya star nga si Piolo Pascual sukad pa nga wala pa siya nisulod sa showbiz. Pangandoy usab niya nga personal nga mahimamat si Piolo. Nailhan si Sinon sa kadaghanan isip "Rogelia" sa Eat Bulaga
Inah dili pa andam
Gitataw sa Kapuso star nga si Inah de Belen nga dili pa gyud siya andam mo-entertain og suitors sa pagkakaron . Una na nga nigawas ang taho nga matud pa nanguyab kaniya ang iyang Oh My Mama! co-star nga si Jake Vargas. "Mas maganda po siguro na maging magkaibigan muna kami. Wala naman po sigurong nagpe-pressure sa kanya na ligawan ako, di ba?, sigun pa sa aktres.
Jose nasagmuyo
Nisigunda si Jose Manalo sa pagkasagmuyo ni Vic Sotto kalabot sa wala pagkalakip sa pelikula nila nga Enteng Kabisote 10 and the Abangers isip usa sa walo ka official entries sa Metro Manila Film Festival 2016. Isip sidekick ni Bossing Vic sa tanang MMFF entries niini, giangkon sa komedyante nga naapektuhan gyud siya sa desisyon sa MMFF Selection Committee.
Nagpasalamat sa mga Pinoy
Nagpaabot sa iyang dakong pasalamat ang Portuguese designer nga si Joao Rolo ngadto kang Marian Rivera ug sa tanang Filipino fans sa hugyaw nga paghangop sa iyang obra human gisul-ob ni Marian ang gidesenyong sinena niya atol sa premiere night sa The Unmarried Wife . "Magandang umaga, Pilipinas. Maraming-maraming salamat sa inyo." tipik sa mensahe sa designer .
Rosanna kaslon na
Gitakdang kaslon ang sexy star nga si Rosanna Roces ug ang tomboy nga uyab niini nga si Blessy Arias karong Disyembre 10 sa Antipolo City. Usa ka Aglipayan church minister ang mokasal sa duha. (BANAT NEWS)
- Latest