PSN Kutob ( Leaderboard Top ), pagematch: , sectionmatch: 1

Nobyembre 5, 2017

Pagtitibay: Tuluy-tuloy ang daloy ng masaganang oppurtunities sa akin.

SCORPIO (Oktubre 24- Nobyembre 22) – Nasa sig­nos na may mawawalang bagay o may mangyayaring damage sa gamit o mga gamit. Malaking tulong ang magagawa ng taimtim na panalangin o dasal upang makaiwas sa hindi kanais-nais na mangyayari. Maging alerto at huwag magpabaya. Mag-ingat. Lucky numbers at color for the day ang 4, 13, 40, 42 at white.

SAGITTARIUS (Nobyembre 23- Disyembre 21) – Ang iyong kinakatakutan ay hindi maiiwasang darating. Hindi sa lahat nang pagkakataon ay maaari kang umiwas o tumakas sa bagay na ayaw mo. Kaya ihanda ang sarili at buong tatag na harapin ang dapat harapin. Kung may problema may solusyon, huwag matakot dahil maaayos ang problema kung magiging mahinahon. Lucky numbers at color for the day ang 7, 17, 34, 43 at purple.

CAPRICORN (Disyembre 22- Enero 19) – Ngayon masusubukan kung gaano katatag ang iyong pagtitimpi dahil magiging sentro ka ng biro at kantiyawan o may taong makapagpapainit ng iyong ulo. Kung magagalit ka, talo ka dahil sisirain ang iyong buong araw. Ang magandang gawin ay makisayaw sa tugtog o huwag harapin ang taong ayaw makausap. Lucky numbers at color for the day ang 11, 12, 23, 38 at violet.

AQUARIUS (Enero 20- Pebrero 18) – Iwasan ang makiusap dahil hindi ka pagbibigyan. Sariling sikap ka ngayon dahil maging magulang o kaibigan ay hindi ka matutulungan kung ikaw ay may kailangan. Upang hindi mapahiya, huwag humingi ng tulong sa iba. Huwag maningil ng pautang dahil hindi ka mababayaran. Lucky numbers at color for the day ang 14, 17, 27, 41 at lilac.

PISCES (Pebrero 19- Marso 20) –  Dalawa ang uri ng tao, mapagsamantala at napagsasamantalahan. Napabilang ka ngayon sa napapagsamantalahan kaya upang maiwasan, maging alerto, mapagmasid at huwag ibigay kaagad-agad ang tiwala kahit kanino lalo na sa hindi lubos na kilala. Manalangin. Lucky numbers at color for the day ang 3, 9, 24, 40 at peach.

PSN ( Article MRec ), pagematch: 1, sectionmatch:

ARIES (Marso 21- Abril 19) – Huwag tantanan ang ginagawang pagsisikap para sa kaunlaran dahil nasa tamang landas ka ngayon. Huwag hayaang lumiko o lumihis ang tinatahak na daan upang maagap na makarating sa patutunguhan. Huwag padala sa sulsul ng kahit sino. Lucky numbers at color for the day ang 14, 15, 17, 40 at yellow.

TAURUS (Abril 20- Mayo 20) – Sa ayaw o sa gusto, mapipilitan kang kumilos dahil sa pangangailangan. Walang ibang dapat sisihin sa kasalukuyang sitwasyon kundi ang sarili. Ang mga pangyayari sa nakaraan ay leksiyon na dapat hindi na maulit. Lucky numbers at color for the day ang 2, 9, 19, 37 at green.

GEMINI  (Mayo 21- Hunyo 21) –  Dahil masigla ka ngayon, maraming matatapos na gawain na hindi iindahin ang pagod. Disiplina sa sarili at konsentrasyon sa ginagawa ang dapat upang maiwasan ang pagkakamali o mapahamak. Huwag magpabaya at maging alerto. Lucky numbers at color for the day ang 4, 11, 22, 41 at blue.

CANCER (Hunyo 22- Hulyo 22) – Huwag sayangin ang lakas at pagod sa paggawa ng mga bagay na hindi gaanong kailangan. Dahil dito maipo-focus ang iyong atensyon. May mga bagay kang dapat unahin na higit na pakikinabangan sa lumandas na kagipitan. Lucky numbers at color for the day ang 2, 12, 26, 39 at fuchsia.

LEO  (Hulyo 23- Agosto 22) –   Pag-ibig ang dahilan kung bakit ka maligaya, masigla at agresibo. Pag-isipang mabuti ang bawat hakbang na gagawin kung may kaugnayan sa pag-ibig at damdamin. Dahil kung hindi mag-iingat at walang disiplina sa sarili, ito ang magdadala sa iyo sa kapahamakan. Lucky numbers at color for the day ang 8, 9, 15, 36 at emerald green.

VIRGO (Agosto 23- Setyembre 23) – Kung hindi maabot sa isip ang solusyon sa problema, lalo na kung tungkol sa pag-ibig, walang masama kung kumunsulta sa psychic. Magiging magulo ang iyong isipan at kailangan ng tulong nang higit na nakakaalam. Payo ang iyong kailangan sa paglutas ng problema. Lucky numbers at color for the day ang 9, 13, 33, 42 at pink.

LIBRA (Setyembre 24- Oktubre 23) – Huwag magtaka kung marami ang lalapit sa iyo dahil sadyang signos mo ito ngayon. Kung ang lalapit ay may kailangang bagay, kung kaya ay huwag pagkaitan. Ngunit tiyakin na makatuwiran ang ibibigay na tulong. Magiging mabisa ang iyong payo at malaking tulong sa nangangailangan. Lucky numbers at color for the day ang 11, 19, 34, 43 at light brown.

 

PSN ( Article MRec ), pagematch: 1, sectionmatch:
  • Follow Us: