PSN Kutob ( Leaderboard Top ), pagematch: , sectionmatch: 1

Nobyembre 1, 2017

Pagtitibay: Malaya ako sa lahat ng financial worries. Dahil mababayaran ang mga utang ko on time.

SCORPIO (Oktubre 24- Nobyembre 22) – Huwag magpaapekto sa anumang mga pangyayari sa kapaligiran. Ang mahalaga ay matugunan ang kailangan ng sariling kapakanan. Ang problema sa tahanan ay huwag dalhin sa trabaho dahil magiging malaking epekto ito sa tungkulin. Lucky numbers at color for the day ang  5, 20, 33, 40 at royal blue.

SAGITTARIUS (Nobyembre 23- Disyembre 21) – Kung may usok, may apoy, ‘yon ang kasabihan. Subalit hindi lahat ng usok ay nagmumula sa apoy. Kung may balitang masagap na ikapuputok ng butsi, alamin muna ang puno’t dulo bago magdesisyon dahil baka magkamali ka. Lucky numbers at color for the day ang 2, 19, 29, 36 at peach.

CAPRICORN (Disyembre 22- Enero 19) – Hindi maiiwasan ang makipagtalo kung nakikipagpalitan ng kuru-kuro. Ngunit maiiwasan ang makipag-away kung magiging mahinahon. Magiging mainit ang iyong ulo at mada­ling magalit at kung walang self-control, away ang hahantungan. Lucky numbers at color for the day ang  4, 24, 28, 35 at beige.

AQUARIUS (Enero 20- Pebrero 18) – Kung hindi maaalis ang duda sa minamahal, magiging negatibo at malabo ang relasyon. Ang tiwala ay matibay na pundasyon ng pag-ibig. Huwag mabahala dahil mali ka sa iyong pinagdududahan. Kawawa ang iyong minamahal kung ipagpapatuloy mo ito. Lucky numbers at color for the day ang 2, 13, 25, 41 at maroon.

PISCES (Pebrero 19-Marso 20) –  Gawing kaaya-aya at walang kasing sigla ang tungkuling nakaatang sa balikat at huwag balewalain dahil dito nakasalalay ang araw-araw na pangangailangan. Kung naging matamlay dahil sa liit ng sahod, gawan ng paraan na makahanap ng ibang mapagkakakitaan nang hindi masira ang records. Lucky numbers at color for the day ang 11, 29, 27, 36 at blue.

PSN ( Article MRec ), pagematch: 1, sectionmatch:

ARIES (Marso 21-Abril 19) –  Ang biyayang tinatamasa ay bunga ng pagsisikap at ipinagkaloob ng Maykapal, kaya dapat lamang ang tuwinang pagpapasalamat sa Kanya at sa mga taong nakatulong sa'yo. Nasa tamang landas ang tagumpay, huwag hayaang lumihis. Lucky numbers at color for the day ang 2, 9 , 22 ,44 at green.

TAURUS (Abril 20-Mayo 20) – Kung sisimulan ang matagal nang balak, may kaunlarang naghihintay. Kung hindi masisimulan, bibilang ng taon ang asensong hinahangad. Huwag aksayahin ang panahon sa bagay na gustong makamit, kilos kaagad. Lucky numbers at color for the day ang  3, 10, 33, 43 at orange.

GEMINI  (Mayo 21-Hunyo 21) – Ipanalangin na hindi matuloy ang maitim na balak ng isang malapit na kaibigan, kamag-anak o kasamahan laban sa iyo. Malamang may magtatraydor sa iyo. Ang iyong inaasahan mula sa iba ay hindi matutupad. Sariling sikap ka ngayon. Lucky numbers at color for the day ang 12, 21 ,39, 39 at purple.

CANCER (Hunyo 22- Hulyo 22) – Ang panaginip ay bunga ng tulog subalit sa pagkakataong ito kung ikaw ang nanaginip ay magkakatotoo. Bagaman may dulot na sakit ng ulo ang kasambahay o kasamahan sa trabaho, may partisipasyon naman ito sa mga gawain na ikatutuwa. Lucky numbers at color for the day ang 13,26, 39, 41 at cream.

LEO  (Hulyo 23-Agosto 22) – May makakatagpo na hindi inaasahan, na may kaugnayan sa nakaraan. Malamang siya ay dating kasintahan, kaaway o kaibigan na matagal nang panahong hindi nakikita. Ang alaala nang lumipas ay sadyang manunumbalik sa isip. Lucky numbers at color for the day ang 14, 15, 31,32 at pink.

VIRGO (Agosto 23-Setyembre 23) – Mabait, maunawain at matulungin ka. Mag-ingat dahil ang nakapaligid na alam ang iyong ugali ay pagsasamantalahan ka. Kilatisin muna nang mabuti ang anumang bagay bago pumalaot. Walang masama kung palagi kang alerto at mapagmasid upang maalagaan ang kapakanan. Lucky numbers at color for the day ang 12, 22, 39, 43 at canary yellow.

LIBRA (Setyembre 24- Oktubre 23) – Matatagpuan mo ang katahimikan sa piling ng minamahal. Magiging masigla ang lovelife. Kung may lihim o may itinatago sa minamahal, ngayon ang panahon para ipagtapat dahil madali kang mauunawaan. Kung may sikreto, ipagtapat upang gumaan ang dibdib at matanggal ang malas. Lucky numbers at color for the day ang 9, 26, 27, 39 at lilac.

PSN ( Article MRec ), pagematch: 1, sectionmatch:
  • Follow Us: