Paglikay sa pan-os
CEBU, Philippines - Importante kaayo ang mga nutrina sa atong lawas ug ato kining makuha gikan sa atong gipangkaon. Mao kini ang nagsilbing tigsuplay sa atong sistema aron aduna kita’y igo nga kakusog sa atong mga gimbuhaton matag adlaw. Gani, mao kini ang tambal aron dili maghilab ang atong tiyan.
Mao nga kinahanglan nga doblehon ang pag-amping sa pagluto ug pag-andam sa mga pagkaon ug likayan nga mapan-os kini aron mahimo pa kining kan-on hangtod nga mahurot.
Kinahanglan nga magmatngon aron dili ma-kontaminado ang mga pagkaon ug aron usab makalikay kita sa food poisoning.
Suma pa sa www.survivalthome.com, adunay mga tukmang proseso aron malikayan ang pagkapan-os sa mga pagkaon. Mao kini ang mga musunod:
• Siguraduhon nga bag-o ang mga sagol nga gamiton sa pagluto.
• Kinahanglan nga limpyo ug nahugasan gyud ang mga kamot kun gunitan ang mga sagol samtang nagluto.
• Dili kini pa-initan. (Proper storage)
• Ibutang sa limpyo nga panaksan.
• Putson kini og tarong.
• Una takuban ang pagkaon, kinahanglan nga dili na kini init aron dili kini magtubig.
• Dili kumoton ang mga pagkaon.
• Isulod sa refrigerator.
• Kuhaon ang mga na-expire nga mga pagkaon sa sulod sa refrigerator aron dili mokatag ang mikrobyo.
- Latest