Kutob - Oktubre 21, 2000

LIBRA (Set. 24-Okt. 23) -- Maganda ang pangyayari kung hindi patatangay sa emosyon. Mag-isip nang maka-sampung beses bago ka tuluyang magpasya. Lucky numbers at color for the day ang 5-7-1-18 at magenta.

SCORPIO (Okt. 24-Nob. 22) -- Hindi mo alam, lihim na kinakatakutan ng marami ang iyong taglay na katangian kalakip ang inggit. Pag-ingatan ang mga taong may ganitong ugali. Ikaw ang maliit na nagpapakislot ng daigdig. Lucky numbers at color for the day ang 5-6-3-19 at dollar green.

SAGITTARIUS (Nob. 23-Dis. 21) -- Pigilin ang anumang hangarin sa pakikipagsapalaran na walang katiyakan. Maaaring makatanggap ng regalo mula sa kaibigan sa malayo. Gamitin ang tibay ng iyong damdamin at lakas ng loob. Lucky numbers at color for the day ang 4-9-3-40 at pink.

CAPRICORN (Dis. 22-Ene. 19) -- Sikaping maging kalugud-lugod sa iba lalo na sa di malalapit. Maitatangi ang araw sa pag-ibig. Tatagan ang iyong kalooban. May isang kaibigang dadalaw sa iyo. Lucky numbers at color for the day ang 9-0-6-16 at metallic green.

AQUARIUS (Ene. 20-Peb. 18) -- Isang hindi inaasahang pangyayari ang magdudulot ng kaligayahan sa araw na ito. Huwag itali ang pananagutan sa mahigit na kakayanin ng iyong sarili. Lucky numbers at color for the day ang 2-1-4-20 at yellow.

PISCES (Peb. 19-Mar. 20) -- Iwasan ang impluwensya ng karangyaan. Huwag tumulad sa iba. Matutong magtipid at mag-impok alang-alang sa kinabukasan. Hindi angkop sa panahong ito ang maging magugol. Lucky numbers at color for the day ang 6-0-4-36 at beige.

ARIES (Mar. 21-Abr. 19) -- Tutol man ang ilang kaanak sa kung sino ang dapat na pagkatiwalaan ng iyong pag-ibig, ikaw pa rin ang magpapasya. Huwag lang puso ang pairalin. Lucky numbers at color for the day ang 5-0-9-18 at crimson.

TAURUS (Abr. 20-May. 20) -- Ang pakikiisa na mahirap mong magawa ay ibibigay ngayon sa ikalulutas ng problema ng pamilya. Magbubunga ng kapayapaan ang iyong gagawin. Lucky numbers at color for the day ang 7-3-4-18 at magenta.

GEMINI (May. 21-Hun. 21) -- Mabilis na mapakikitunguhan ang mga kasama sa iyong layunin. Bantayan ang mga taong mahilig ipasa sa iba ang kanilang trabaho. Lucky numbers at color for the day ang 3-1-7-37 at citrine yellow.

CANCER (Hun. 22-Hul. 22) -- Nasisiyahan ang mga kasamahan sa pagiging palabiro mo. May isang taong may lihim na pagtingin sa iyo at magugulat ka na lamang. Tigib ng inspirasyon ang mga araw sa kanya. Lucky numbers at color for the day ang 1-0-7-28 at blue.

LEO (Hul. 23-Ago. 22) -- Lalo kang mapapalapit sa puso ng Diyos sapagkat ikaw ay mabait na anak. Malaki ang maitutulong nito sa pangkabuhayang bagay. Ang hangarin sa pag-ibig ay hindi mabibigo. Lucky numbers at color for the day ang 1-6-7-17 at pink.

VIRGO (Ago. 23-Set. 23) -- Ipagpaliban ang paggawa ngayon ng isang mahalagang desisyon. Sa lugar na pinagtatrabahuhan ay malimit kang magkaroon ng hindi pagkakaunawaan. Mag-ingat ka. Lucky numbers at color for the day ang 7-6-2-28 at scarlet.