Banat ( Leaderboard Top ), pagematch: 1, sectionmatch: 1

Manghikap

Dear Tita Salie,

Hello po! Ako nga pala si Meral, 17 years of age, usa ka dalaga ug working student ko sa akong ate. Wala man gud ikagasto ang akong mga ginikanan sa pag-eskuyla busa nihangyo ko sa akong igsuon nga iya kong pa-eskuylahon ug motabang na lang ko sa bulohaton sa ilang balay. Arang-arang man usab og kahimtang ang pamilya sa akong ate kay pareho man sila sa iyang bana dunay mga trabaho ug 2 pa kabuok ang ilang anak.

Apan nahasol ko sa bana ni ate kay kada-gabii kun mangatulog na mi manghikap man siya sa akong pakwan. Iya kining hikap-hikapon kada-gabii gyud kun natulog na si ate. Di ko kasabot sa akong bation, Tita. Dili pud ko puyde mosinggit ug moreklamo o kaha mosumbong ngadto sa akong ate kay unya og ako na hinuon ang hinungdan nga mag-away sila. Sweet kaayo ang akong ate ug ang iyang bana, Tita. Dili ko gusto nga magubot ang ilang pagpuyo tungod lang nako. Maluoy ko sa ilang mga anak nga 2 kabuok kun ugaling magubot ang ilang pamilya.

Gusto lang unta nako nga sa hilom nga paagi, Tita, mohunong na og panghikap diri nako ang bana sa akong ate. Anaa man gud ko nagpuyo sa ilang balay aron usab ako makaalagad kanila kay ila man ko nga gipa-eskuyla. Unsa may akong buhaton? Daghang salamat.

* * *

Good day Meral,

Akong nakita sa imong pagkatawo nga makugihon ka ug dunay pagpaningkamot. Padayon ug ayaw paghunong sa imong mga maayong buhat. Ayaw padala sa mga pagsulay sa kinabuhi nga imong masugatan samtang ikaw naglakaw ibabaw niining kalibotan. Salig sa imong kaugalingon, kay wala’y pagsulay nga ihatag nga dili kayang tumpagon ug labaw sa imong kakayahan. Hunahunaa nga bisan unsa kabug-at o kadako sa kalisod, kumingking ra kini sa gugma ug kaayo sa Diyos. Ang importante lang nga dili ka malimot sa pagsampit kaniya nga hatagan ka og grasya, hatagan ka og igong kusog aron batukan ang maong problema.

Ayaw una sultihi ang imong ate mahitungod sa binuhatan sa iyang bana. Tungod kay mahitabo gyud ang imong gituohan nga dakong gubot kun ugaling masayod ang imong ate. Atubanga ang bana sa imong ate, ingna siya nga hunongon na ang iyang gibuhat kanimo. Samtang imo pang mapugngan ang imong kaugalingon iya na kining hunongon kay dili kini maayo. Ingna siya nga taas ang imong respeto kaniya. Apan kun dili siya mohunong imo siyang isumbong sa imong ate ug sa laing tawo. Puyde nimo siyang isumbong sa mga polis. Hangyoa una siya, apan kun dili gyud siya motuo mao na kanang panahona nga isumbong nimo siya. Ayaw kahadlok, pagbaton og kaisog aron mapanalipdan ang imong kaugalingon. -- Tita Salie

 

  • Follow Us: