Banat ( Leaderboard Top ), pagematch: 1, sectionmatch: 1

Hinog sa punoan

Gula 28

“Unsa?”

“Way gusto si Don Emilio sa hinigugma ni sir Patrick. Iyang nadiskubrehan nga may tinagoan diay kining daotang taras. Mao nga dili siya gusto nga kini ang maasawa ni sir Patrick.”

Nahilom na usab si Urielle. Maoy iyang gihunahuna si Patrick. Ingon sa dili siya makatuo nga mosugot si Patrick sa buot mahitabo sa amahan niini. Wala malilong kaniya ang kanunay nga panagkuyog nila ni Patrick ug Chariz. Makahimo ba diay si Patrick sa pagputol sa relasyon nila ni Chariz aron lang pagtuman sa kagustohan sa amahan niini?

“Ang imo na lang hukom maoy gipaabot ni Don Emilio, Urielle,” namulong si Noy Sidro pagkilab sa pipila ka gutling.

“K-kay ngano man diay, Tay?” Sukit ni Urielle. “Nagkasinabot na ba diay kamo si Don Emilio mahitungod niining butanga?”

“Oo” ni Noy Sidro pa. “Pasayloa ko nga nagbuot-buot ko pagsanong sa kondisyon ni Don Emilio. Akong nakita nga alang kini sa imong kabulahanan.”

“Apan nasayod ka, Tay,” ni Urielle pa, “nga dili kita angay sa ilang pamilya. Dako kaayo ang gintang sa ilang kahimtang ug sa atoa.”

“Nasayod ko niana. Apan dili mata-pobre si Don Emilio. Kun ubos pa ang pagtan-aw ni Don Emilio kanato, dili ka unta niya pilion alang sa iyang anak.”

Nahilom na usab si Urielle. Alang kaniya, nakapresentar og balidong mga katarongan ang iyang amahan. Dili gayod siya maka-ik. -- Sumpayan pa

  • Follow Us: