Banat ( Leaderboard Top ), pagematch: 1, sectionmatch: 1

Idlas ang katumanan sa gugma

 Gula 77

“Nia ang ikaduha ug ikatulong nobela sa Kapalaran series nga akong gisulat,” nagkanayon si Lonia dungan ang pagtunol sa brown envelop nga gisudlan sa iyang mga manuskrito ngadto kang Rev.

“Misamot man ang imong ka-productive karon,” nagkanayon si Rev nga midawat sa iyang manuskrito. “Mora ma’g inspired ka na kaayo.”

“Tinuod kana,” mubo niyang tubag. “Nadasig ko tungod sa big success sa akong mga nobelang pocketbook.”

Mipahiyom si Rev. Ingon sa may isulti pa unta kini sa dihang naabli ang palid sa pultahan sa opisina niini. Hapit sila magkadungan pagtan-aw ngadto sa pultahan aron pagsuta kun kinsa ang misulod.

Nakugang si Lonia. Maoy misugat sa iyang panan-aw ang bayhon ni Mylene de Jesus. Nagmug-ot ang nawong niini nga nakakita kaniya.

Nakasabot si Lonia sa sitwasyon. Kinahanglang hatagan niya’g higayon nga magsulti sila si Rev ug Mylene. Gawas pa, dili siya komportable kay uga og tinagdan si Mylene kaniya.

Mitindog si Lonia gikan sa iyang gilingkoran. Nananghid siya ni Rev ug midali paggawas sa buhatan niini. Wala na siya motimbaya ni Mylene. Mitagam na siya dihang iya kining gitimbaya usa niana ka higayon apan wala siya tagda niini. Dili na siya buot nga masubli pa kadtong maong hitabo.

Sa didto na si Lonia sa gawas sa buhatan ni Rev, mihunong siya. Iyang gisuta ang iyang gibati. Nahibulong siya kay ingon sa wala na siya sakiti. Wala na siya magselos nga nakigkita si Mylene kang Rev. Ingon sa wala nay bitterness nga naglublob sa iyang dughan. -- Sumpayan pa

  • Follow Us: