Love story

Dear Banat News,

Maayong adlaw sa tanang readers sa Banat News tawga lang ko og John, 27 years old ug nagtrabaho isip call center agent nagpuyo ko karon  sa Lahug, Cebu City.

 Usa diay ko ka bisexual  ug duna ko2’y uyab nga pareha pud nako. Iyahang pangalan kay Jerome, 28 years old ug same mi og trabaho.  Nindot gyud kaayo ang Love Story, malingaw gyud ko mobasa.

Walo ka buwan na diay ang relasyon namo ni Jerome ug nagkaila mi tungod ra sa Facebook.

Iyaha kong gi-add ug ako dayon siya nga gi-accept. Ni-message siya nako ug nagpasalamat nga ako siyang gi-accept.

Nahibulong ko nagsige na man siya og chat nako uy perming mangumusta.  Na-irita ko niya sa una kay feeling close kaayo. Pero sa dihang magsige siya og samok nako nakuha na hinuon niya ang akong atensyon.

Kon magpadala siya og sweet message kiligon na man hinuon ko uy nakahukom mi nga magkita sa personal. 

Nasundan og kadaghan ang pagsige namo og date hangtud nga na-develop mi sa usa’g-usa. Nidiskarte siya nako ug ako dayon siya nga gisugot sa wala’y paglangan.

Sa dihang uyab nami, diha pa siya niangkon nga duna siya’y uyab nga girl.  Nibagting ang akong dunggan ug wala ko kasabot sa akong gibati ug gisapot ko niya og maayo.

Ako siyang giingnan nga amo lang putlon ang among relasyon kay complicated ra kaayo ang among sitwasyon uy. 

Niana siya nga ako gyud daw ang iyang love. Kato daw’ng girl niya nga uyab kay napugos ra siya ato  tungod sa sungog-sungog. Bisan sakit nihukom gyud ko nga putlon ang among relasyon pareho ming duha nga naghinilakay.

Ako siya giingnan nga andam rako  modawat niya kung hingpit na gyud sila nga magbuwag sa girl.  Wala nako siya sugoa nga buwagan niya ang girl, akong pasabot kon pananglitan maabot ang panahon nga magbuwag sila andam rako modawat niya og balik kana kon single gihapon ko.

Human sa usa ka tuig kapin nga walay komunikasyon, nahibulong ko kalit man siya nanawag nako.  Niana nga mag-date daw mi ug dili daw ko angay mabalaka kay wala na’y babag kon magkabalik mi.

Wala ko kasabot sa akong gibati nalipay ko  ug timing sad kaayo nga single gihapon ko.

Sa pagkita namo og balik nidiskarte siya  ug didto nagbalik gyud mi.  Dugay na sila nga buwag sa iyang girlfriend nangayo siya og sorry sa girl kay iyaha kini nga nagamit aron matabonan  ang  tinuod niya nga identity.  Wala ko magdahom nga magkabalik mi ug lipay kaayo ko sa among relasyon karon. Mo-request lang ko sa lyrics ug chords sa All Of Me by John Legend.

Hi John! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News