Love Story

Dear Banat News,

Maayong adlaw sa tanang readers sa Banat News tawga lang ko og  A, 29 years old ug nagtrabaho sa usa ka restaurant.

Mga usa ka tuig kapin nako nga wala’y uyab pero happy ra man pud ko sa akong pagka-single.

Ako ra i-share ang katapusan nako nga lovelife.   Si C, 28, ang katapusan nako nga boyfriend ug  nag-work siya isip call center agent.

Nagkaila mi kay  kauban mi sa trabaho sa una sa usa ka LGU. Pareho mi nga job order, pero nagbuwag ra pud ang among mga dalan kay nahuman na man ang kontrata sa among  special project.

Pero bisan pa man nga lahilahi na ang among trabaho kanunay gyud mi mag-date.  Laktod pagka-estorya, MU o mutual understanding ang among level. Mura ra gyud og uyab ang among sitwasyon ug mingawon gyud mi sa usa’g-usa.  Naabot gyud ang panahon nga nanguyab siya kanako puwes ako siyang gisugot dayon.

Nilungtad og tulo ka tuig ang among relasyon. Pag-una  sweet kaayo  siya gentleman pero kalit man siya nisuol uy. Saputon jud ko og tawo nga molikoy ang utok ug grabe kaayo ka-istrikto.  Kuhaan bitaw ko niya og kalipay. Kon molaag ko dapat dili ko magdugay og uli.  Pananglitan madugay ko grabe na kaayo siya moyawyaw.

Balikason ko niya permi ug bisan-unsa na lang ang masulod sa iyang hunahuna.  Iyaha kong dudahan nga duna kuno ko’y laing gikabuangan nga lalaki.

Grabe siya momugna og estorya hinungdan nga magsige na lang mi og away. Makadaghan sad nga higayon nga mo-eskandalo siya atubangan sa akong barkada. Iyahang insultohon ang akong friends ingnan niya nga mga bad influence daw.  Grabe gyud kabaga og nawong si C.

Uwaw na kaayo ko sa iyang batasan nga dili makaon og iro. Liman ka ana yawyawan ko niya atubangan sa akong friends. Tungod sa iyang batasan nga wala nako kasabot   nagkahupas na pud ang akong love kaniya.

Nakahukom ko nga ako siyang buwagan. Pag-una dili siya mosugot pero wala na siya’y mahimo kay dili na gyud ko makigkita kaniya.  Nagsige siya og hilak, pero wala gyud ko ka-feel og kaluoy kaniya.   Ako siya giingnan nga wala nako kauyon sa iyang batasan ug dili nako happy sa among relasyon.  Nakaingon ko may pa hinuong single kay wala gyu’y magbuot  kon unsa ang imong buhaton. Wala nami komunikasyon ug tambag nako sa ubang girls ayaw mo pa-under sa inyong mga uyab. Respetoha ang inyong kaugalingon busa ayaw gyud og sugot nga daug-daugon mo sa inyong mga uyab.  Mo-request lang ko sa lyrics ug chords sa  Loving This Way by Collin Raye feat. Bobbie Eakes.

Hi A! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News