Love Story
Dear Banat News,
Hello sa tanang readers sa Banat News. Tawga lang ko sa pangalan nga Melody, 27 years old ug nagtrabaho sa usa ka mall dinhi sa Sugbo.
Happy ra ko karon sa among relasyon sa akong uyab nga tomboy nga si Mae. Siyam ka buwan na ang among relasyon. Dili nako ikaulaw ang among relasyon, happy man ko niya, busa dili ra ko manumbaling sa reaksyon sa ubang tawo.
Nagpasalamat ra pud ko kay supportive ra ang akong pamilya ug akong true friends sa among relasyon. Nagkaila mi ni Mae tungod ra pud sa among common friends ug wala nako damha ang pag-abot niya sa akong kinabuhi. Niadtong higayona brokenhearted kay ko human mi nagbuwag sa akong boyfriend kaniadto nga si Christian.
Tulo ka tuig ang relasyon namo ni Christian, apan nagbuwag mi kay nahupas na daw ang iyang love nako. Sige lang ko hilak ug nagpakiluoy niya pero final na gyud ang iyang hukom nga magbuwag mi kay napul-an na siya nako..
Aron dali ko ka move on, magsige ko’g laag uban sa akong friends. Duna’y time nga niuban ko sa outing sa akong friends sa high school. Duna ko’y classmate sa una nga nagdala pud og laing friends ug didto nako naila-ila si Mae. Naa gyud sa akong hunahuna sa una nga dili gyud ko makauyab og tomboy—kinsa man sad ang magdahom uy?
Magsige og comfort si Mae nako, usahay kuyogan ko niya sa akong mga laag. Nakatabang gyud siya aron maka-move on ko ni Christian.
Nihinay-hinay siya og diskarte nako. Pag-una ako siyang gi-basted kay dili pa ko andam makauyab og balik. Human sa lima ka buwan sa pagsige niya og diskarte nako, na-develop ko niya.Na-feel nako ang tinud-anay niya nga love nako, busa ako siya’ng gisugot.
Daghan nami og mga pagsuway nga naagian, pero igo ra nilabay ang tanan kay dili man mi magpatas-anay sa among mga garbo.
Ginagmay ra man nga mga butang ang among awayan maong wala gyud mahitabo nga hapit mi magbuwag. Ganahan ra pud ko niya kay dili siya dali nga magselos ilabi na kung barkada ra nako ang akong mga kauban.
Kaila man siya sa akong barkada nga mga lalaki maong salig ra pud siya nako. Dili matag-an ang dagan sa panahon, wala ta kahibalo, sa umaabot nga mga adlaw, magkabulag mi. Ako na lang giandam daan ang akong kaugalingon sa maong posibilidad. Ang labing importante nga happy ko ron. Mo-request lang ko sa lyrics sa Ehu Girl by Kolohe Kai .
Hi Melody! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story C/o Banat News
- Latest