Nag-monitor sa ex

Di ko detective ug di ko NBI agent pero mura ko’g mahimo og ingon ana kung mang-stalk ko sa akong ex. Ako si Daisy, professional stalker.

Duha na mi ka buwan buwag sa akong kanhi uyab pero wa gihapon ko ka move on niya. Halos everyday man gud, magsige ko’g check sa iyang accounts, sa iyang mga kaistorya, sa iyang mga gipangbuhat. In short, I still care for him. Siya man pud, di siya ganahan nga mawala daw ko. Dili  siya ganahan mawala ko bisan og naa na siya’y bag-o. Wala  ko kasabot niya. Dili  mi uyab pero kung magkita mi, sweet kaayo siya nako. Mura ra og pareha ra mi sauna. Pero ang naka- apan, wala  ko nag-inusara sa iyang kinabuhi.

Daghan kaayo to siya’g babae man gud, base sa akong mga research also known as pagpang-stalk. Wala  nako kahibaw asa mo lugar sa iyang kinabuhi, Medyo Maldito. Ganahan paman gud ko niya, nagbuwag ra mi kay naa pud siya’y lain ug daghan kaayo siya’g mga bakak. Unsa may maayo nako buhaton aron di nako mag sige’g kasakitan.

* * *

Daisy, dili  ka detective, dili  ka NBI agent, ug labaw sa tanan, dili mo uyab. DILI NAMO UYAB.  All caps na aron maklaro nimo kay  nagpakabuta-buta ka sa kamatuoran nga dili  na siya imo.

Dili  siya imoha pero ikaw, iyaha gihapon. Dili  ba na unfair? Wala  ka naluoy sa imong kaugalingon? Dili  ra ikaw ang babaye sa iyang kinabuhi, Daisy. Gihimo ra ka niya’ng option. Probably, kung wala  siya’y lingaw, anha siya  magparamdam nimo. Teksan ra ka kung dili na mo reply iyang mga kaistorya. Magsige ka’g kasakitan kay magsige man ka og  stalk niya. Kung dili  naka ganahan masakitan, ayaw na sige’g check kung unsa iyang gipangbuhat. Ingon pa nila, “what you don’t know won’t hurt you”.

Dili  man pud nimo kinahanglan mahibaw-an tanan niyang  buhaton kay dili  man nimo siya uyab. Makaingon ka nga love ka niya tungod sa iyang actions. Love ka niya pero USAHAY ra. Ayaw og settle ana nga klase sa gugma kay sa katapusan, ikaw ra gihapon ang masakitan. Bahala’g dili  paka karon makakita sa tawo nga himuon ka’g THE ONE, ONLY ONE. Bahala’g madugayan. Bahala’g ma-last trip basta kay front seat, kaysa sa first trip pero nagkabit.