Love Story

Dear Banat News,

Hello diay sa tanang readers sa Banat News.  Tawga lang ko sa pangalan nga Ardian, 28 years old  ug  nagtrabaho ko karon sa usa ka restaurant.

Kapin nako sa usa ka tuig nga naay lovelife busa happy kaayo ko. Ang akong uyab ginganlan og Aubrey, 28  ug nag-work siya sa usa ka shipping company.

Bisan sa among ka-busy sa among tagsa-tagsa nga trabaho, mangita mi og paagi nga magkakita gyud mi bisan kaduha sa usa ka semana.

Nagkaila mi ni Aubrey kay schoolmate mi pag-college ug nagka-close mi og balik tungod ra pud sa mga laag uban sa among barkada. Nagsugod akong feelings niya sa dihang nag-overnight mi sa usa ka resort sa Tabuelan.

Grabe ang among bonding nagkatsika mi og maayo ug na-attract gyud ko niya ilabi na sa iyang pagka-kikay nga cute.

Pipila ka bulan ganahan na kaayo ko modiskarte niya, apan wala madayon kay  nidiskarte pud niya ang akong usa ka friend. Ako rang gitago akong feelings kang Aubrey, ug magselos gyud ko kon permi sila mag-date sa akong amigo.

Gitagoan ra gyud nako ang akong gibati ug kon molaag among barkada nga naa sila   mopasangil lang ko nga mouna ko’g uli .

Magsakit gyud ang akong kasingkasing kon magtan-aw nila nga sweet kaayo.  Apan sa dihang nahibaw-an nako nga gibasted ra ni Aubrey akong amigo mura ko’g nahuwasan.

Para dili kaayo halata akong gipaabtan og tulo ka bulan diha nako nisunod og diskarte kang Aubrey.

Pag-una niana siya nga iya daw hunahunaon  kay maikog daw siya sa akong amigo.

Pero na-shock ko sa iyang tubag kay niana siya nga na-develop na pud daw siya nako.  Mura ko’g gibayaw sa hangin niadtong tungora. Pero ang nakabalda ra gyud kay  maikog lang gyud siya sa akong amigo.  Weird kaayo paminawon pero aron lang gyud mahimutang ang hunahuna ni Aubrey, akong gisultian akong amigo nga modiskarte  ko ni Aubrey.  Dili na man gyud dapat mananghid sa akong amigo pero ganahan lang ko nga dili maikog si Aubrey.  

Sa dihang gipahibalo na nako siya nga wala ra’y problema akong amigo kon modiskarte niya iyaha dayon ko gisugot.

Mao to akong love story nga simple, pero unusual kaayo kay nananghid gyud ko sa gibasted ni Aubrey aron lang gyud iyaha kong sugton. Mo-request lang ko sa chords and lyrics sa Makes Me Wonder by Maroon 5.

Hi Ardian! Thank you so much sa imong LOVE STORY! Paabuta ugma puhon ang imong request.

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story

C/o Banat News