Love Story

Dear Banat News,

Maayong adlaw sa tanang readers sa Banat News.  Tawga lang ko sa pangalan nga Tantan, 25 years old  ug nagtrabaho sa usa ka restaurant diha sa IT ParK.

Sa wakas nakapadala na gyud ko sa akong love story dinhi sa Banat News.

Pito ka buwan na diay mi sa akong uyab nga si  Arianne, 27 anyos nga  nag-work isip call center agent.

Nagkaila mi ni Arianne kay nag-call center agent man ko sa una ug  kauban mi sa team.  Niundang lang ko sa call center kay gusto nako magamit ang akong nahuman nga kursong HRM maong nibalhin ko og work sa restaurant.

Diha nako gimingaw ni Arianne sa dihang nibalhin nako og work, katagsa na lang kaayo mi magkita.

Naa ko’y secret feelings kaniya niadtong higayona. Maglisod lang ko og angkon  kay basin  ma-basted ko ba if modiskarte ko.

Human sa pila ka bulan, akong giwala ako pagka-torpe, ug nagsugod nako’g paramdam niya.

Magpadala ko og chocolates niya usahay sweet kaayo ko mo-text niya ug wala ko nagdahom nga mo-entertain siya sa akong diskarte.

Sa tinuod lang, mataha jud ko ni Arianne, kay sosyalon man gud siya nga pagka-babaye.

Maulaw gani ko mouban sa laag sa iyang barkada, kay lahi ra gyud ang ilang atmosphere. Dili ko ka-relate kay mga puros sila social.

Pero bisan pa man niana, nipadayon gihapon ko sa pagparamdam niya og naghuwat gyud ko sa hustong timing aron makapanguyab kaniya.

Kadaghan nami nag-date, pero permi gyud ko masul-an sa akong pagka-torpe.   Seguro lapas na ka napulo ka higayon nga mo-aksyon nako og panguyab apan kalit ra ko motalaw.

Ang ending  didto ra nigawas akong kaisog sa pagpanguyab niya sa dihang  nilaag ko sa ila kay giimbitar ko sa ilang fiesta.

Akong pagtuo kay bastedon ko niya pero na-shock ko sa iyang tubag, kay iya dayon ko nga gisugot.

Niana si Arianne nga hagbay ra gyud siya nakabantay sa pagsige nako og pa-cute niya pero lain man sad kaayo nga iya kong palawon, maong naghuwat ra daw siya kanus-a ko manguyab niya.

Nagsige mi og katawa ug dili gyud masukod ang akong kalipay nga iya kong gisugot.

Maong tambag nako sa mga lalaking torpe, wagtanga nana nga batasan kay dili gyud ka makabuhat sa imong next move kun magpalugit ka. Mo-request lang ko sa chords and lyrics sa Heart Of Mine by Side A

Hi Tantan!Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News