Banat ( Leaderboard Top ), pagematch: 1, sectionmatch: 1

Mahadlok mabasted

Ako si James Michael. Follower ko nimo sa Facebook, Medyo Maldito. Naa lang unta ko’y pangutana para nimo. Unsaon nako pagkahibalo kung crush pud ko sa akong crush? Dili  man gud ko ganahan manguyab unya paghuman, ma-basted ra ko. Maong ganahan unta ko makahibaw kung dako ba akong chance niya. Kung makahibalo ko nga ganahan siya nako, mas sayon na kaayo manguyab. Unta mahatagan ko nimo og signs aron mahibaw-an nako kung ganahan pud siya nako.

* * *

James Michael, hatagan tika og three  signs aron ma-check nimo or naa ka’y idea kung interesado ba imong crush nimo o dili. Dili  ni expert advice pero base ni sa akong experience ug sa experience pud sa ubang tawo. First kay kung mo text ka, mo reply siya.

Paspas pa gyud kaayo. Dako pud ang chance nga ganahan siya nimo kung siya mismo ang una mo text sa imoha. Labaw na na’ng mga text nga gapakita siya og care nimo. Mga texts like, “Nagkaon na ka? Kumusta ka? Mag-unsa ka karon? Amping ka ha?” Pero be careful, kay basin una lagi siya ni text nimo pero group message diay to. Di kaayo ta mag-assume kay most of the time, atong mga expectations ang makapasakit nato. Sunod, magsige siya og like sa imong posts online. Pero ayaw pag-assume. Basin ang imong posts ra gyud iyang like,  dili ikaw. Ang next sign kay kung makigkuyog ka niya, mosugot ra siya nga magkuyog mo duha. Way daghan excuses. Kanang musugot siya nga maglaag mo nga kamo ra duha. Pero dili  tungod ganahan siya maglaag kuyog ka, ganahan na siya nimo nga more than a friend.

Basin bored lang gyud siya, basin laagan lang gyud siya, or basin ganahan lang gyud siya mukuyog kay manglibre ka. Kung kining 3 signs nga naa sa lista, iyang gabuhaton sa imo, naa gyu’y chance nga ganahan siya nimo. Pero ayaw lang pagsalig ani nga signs nga akong gihatag. Kay dili  tanan babaye, showy. Daghan babaye nga dili nimo maklaro nga ganahan diay siya nimo, maayo kaayo motago og feelings. So akong advice nimo, kung ganahan ka niya, ingna siya. Basin maunhan pa ka sa uban, magmahay unya ka. Ayaw pagsalig anang signs aron mahibaw-an nimo kung she likes you too. Kung dili siya ganahan nimo, move on or try harder. Ayaw kahadlok ma-basted. Ang importante, kahibaw ka kung unsa gyud iyang gibati niya para sa imoha.

  • Follow Us: