Banat ( Leaderboard Top ), pagematch: 1, sectionmatch: 1

#Para Sa Mga Naglisod Ug Pili

Ayaw ko hatagi’g paglaom

Kon  dili ko nimo kayang higugmaon

Ayaw ko hatagi’g daghang rason

Kon mga panaad mo, dili nimo kayang tumanon

 

Abi ko’g ang nagusbat ko’ng dughan, imong ayuhon

Apan imo ra man diay gihapong gub-on.

Hala, ang pagka walay batasan nimo, paundayuni

Ang nagtinga kong gugma, tiwasi!

 

Nag-ayo ka lang sa imong mga butbot

Naa pa kay mga pangandoy nga pwerte kahabog

Ig himan-himan, di diay nimo makab-ot

Sus, katuohan pay utot!

 

Naa pa kay pina “I love you”

Unya daghan diay ming imong gisultian ato?

Ang imong “Pangga, ikaw ra.”

Aguy, apil man sad diay siya

 

Buang, mohangyo lang ko, ha

Kay usa ra man imong kasingkasing, usa ra say higugmaa.

Di mi duwaan, maong ayaw mi padaghana

Palihug, pilii la’g usa

 

Andam man tikang buhian

Pero buhii pud silang tanan

(Bes, gawin mong patas ang labanan)

Kanang dili ra akoy masakitan

Kay kon sa gugma, adoy-adoy ka

Mas adoy-adoy ko

Kon sa gugma, ikaw manlimbong

Aw, kaya pud tikang tikason

Kon sa gugma, ikaw buang

Hala, sige soloha imong pagka buang

 

Ayaw pangangin sa tarong nga nilalang

Abi nimo’g gukdon tika?

Kay ngano, worth it ka’s akong gugma?

May’g bus ka nga pang last trip

Kay gukdon tika, magkahubo-hubo man ko’s

akong brep.

 

Padayon na lang sa imong gilaktan

Ay’g kabalaka, di na tika maapsan

Kay kon ikaw mag via Kawit,

Mag via Bagay pud ning nagsakit!

  • Follow Us: