Gituok ang uyab
Tawga nalang ko’g Maria, dili nako tinuod nga pangalan. Naa ko’y boyfriend, si Vincent, ug bag-o lang gyud mi nag-uyab ug wala pa mi usa ka buwan. Bag-o ra pud mi nagkaila, paspas ra kaayo ang mga panghitabo. Nanguyab siya nako few weeks ago, ug naganahan gyud kaayo ko niya. Na-attach na ko diritso. Karon, in love na kaayo ko. Na-fall na gyud ko’g ayo niya. Ang problema nako karon, Medyo Maldito, kay selosa kaayo ko. Dili kaayo ko motoo sa iyang ipang- istorya nako kay daghan kaayo gadagan sa akong utok. Pirmi man unta siya mo-update kun unsa iyang buhaton. Basta dili mi magkuyog, makahuna-huna man gihapon ko og di mao bisan pa’g kapila nako niya giingnan nga di gyud daw niya gubaon akong trust niya. Daghan man gud naka gusto niya ug daghan napud kaayo siya og nauyab. Mao na’ng insecure kaayo ko. Unsaon ko man ni aron mawagtang akong mga pagduda niya? Mahadlok pud ko nga basin mapul-an siya nako tungod kay natuok na siya sa akong gibuhat.
* * *
Maria, kanang selos ug duda, apil naman gyud na’s relationship. Dili naman na mawala. Pero tanang sobra, dili maayo. Kung sobra napud imong pagselos ug pagduda, dili na kana healthy sa inyong relationship. Magsige na mo’g away kay dili man ka motoo niya. Dapat imong i-appreciate imong uyab sa iyang mga updates diha nimo. Maybe he’s doing that kay aron ma-assure ka nga ikaw ra gyud iyaha. And basin pud magsige ka’g selos tungod kay bag-o pa mo nag-uyab duha. Bag-o pa mo nag-uyab pero in love kaayo ka niya. Wa’y sayop anang ma-in-love. Pero kung mahigugma ka, ka in love lang. Ayaw ka fall in love. Tanan raba’ng ma-fall kay mabuak. Basin masakitan ka kung ma-FALLihan ka kung ma-FALL-an na siya. Maria, one question, unsa imong bation kung faithful kaayo ka sa imong uyab pero imong uyab kay dili mo salig nimo? Unsa imong bation kung buhaton nimo tanan aron dili magselos imong uyab pero sige gihapon ka niya’g awayon kay naa siya’y mga duda? Di ba kapoy? Ang maayo nimo buhaton, magsinabtanay mo’ng duha. Salig lang niya. Di ka pisi, uyab ka. Ayaw siya tuoka.
- Latest