1st Oceanic 10K Swim gitakda sa Mayo 13
CEBU, Philippines - Mag-abot ang mga banggiitang swimmers lukop nasud sa ipahigayong 1st Oceanic 10 Kilometer Swim karong Mayo 13 didto sa Bogo City.
Gipasiugdahan sa Cornerstone 8080 uban sa suporta sa Philippine Sports Commission, ang lumba gimugna aron makakaplag og mga lumalangoy nga adunay potensiyal nga masakop sa national team nga mamasin makaduwa sa Olympics.
Gawas sa kutas nga 10K open, laing kategoriya nga tigian mao ang 2K ug 5K.
“The PSC promotes this event to see if there are talented swimmers that we can include in our national team,” matud pa ni Steve Maniquis sa Cornerstone.
Ang organizers midugang nga ilang ipaubos sa screening ang tanang 10K ug 5K participants, samtang ang 2K abli sa tanang swimmers.
Ganting salapi ug gift certificate ang nagpaabot sa top finishers sa matag kategoriya.
Ang registration fee nagkantidad og P1,000 sa 2K, P3,000 sa 5K ug P5,000 sa 10K. Mahimong magpalista didto sa Vellum, Bikeology, Autofocus, Metrohub, Infinitea ug 3ofMe. Aduna usab online registration sa www.cornerstone8080events. (BANAT NEWS)
- Latest
