Dasal sa bibitaying OFW sa UAE hingi
MANILA, Philippines - Hiniling ng mga Pilipino mula sa iba’t-ibang panig ng mundo ang panalangin upang makakuha ng hustisya ang overseas Filipino worker (OFW) na si Jennifer Dalquez na unang hinatulan ng kamatayan dahil sa pagpatay sa kanyang amo sa United Arab Emirates (UAE).
Ang desisyon sa apela ng kaso ni Dalquez, 30-anyos, sa UAE Court of Appeals ay inaasahang lalabas anumang oras kasunod ang itinakdang pagdinig sa kanyang apela na death sentence kahapon.
Sinabi pa na hindi nag-iisa si Dalquez na humihiling ng hustisya. Tinukoy nila na nitong Pebrero ay binitay ang OFW na si Jakatia Pawa dahil sa umano’y pagpatay sa anak na babae ng kanyang employer sa Kuwait.
Sumugod din ang ilang Pinoy sa Embahada ng UAE sa London upang hilingin sa UAE government na mabigyan ng hustisya si Dalquez na anila’y nagtanggol lamang sa kanyang sarili sa tangkang panghahalay ng kanyang among lalaki.
Isinisigaw ng mga protesters na hindi dapat mabitay ang isang nagtatanggol sa rape at dapat pang mabigyan si Dalquez nang hustisya.
- Latest