Wala pa ka-move on

Medyo Maldito, lisod gyod kaayo mag move on sa akong ex. Kadyot ra mi nag uyab pero grabe, hangtod ron, mag tuig nalang, wa gihapon ko naka move on niya. Tanang kanta nga akong paminawon, tanang movie nga sakit sa heart nga akong tan-awon, siya gyod ang mo sulod sa akong utok. Gapaningkamot man ko'g move on, pero di gyod mapugngan nga, usahay, makapang stalk ko niya. Mag sige ko'g check sa iyang mga status updates. Sakit, kay inspired kaayo iyang mga post ug maklaro gyod nga in love kaayo siya. Ang mas nakasakit paspas kaayo siya naka move on. Wa pa lang ko kita sa iyang uyab. Di pud ko ganahan kay basin ma compare nako akong self sa iyang bag-ong uyab. Magbuwag ra gihapon to sila ka'y way forever! Akong gusto lang, maka move on ko. Unsa ma'y pinakadali nga pamaagi aning pag move-on?

* * *

Okay raman nga di ka maka move-on pareha ka paspas sa pag-move-on sa imong ex. Unsa man imong dalian, wa ma’y  deadline. Importante, maka move-on ka. Take your time. Wala'y paspas nga pamaagi sa pag move on. Basta kay dawaton lang gyud nimo nga wala na mo. Kung mag-move on na ka, wa na'y balikay. Sayang ra imong effort sa pag-move-on kung teksan lang ka niya, mo reply ra pud ka diritso. Always guard your heart. Moabot ra ang panahon nga magkatawa na lang ka maghuna-huna nganong naglisod ka'g move on niya. Kung dugay ka  maka move-on, okay ra na. Dugay pero moabot gyod na'ng panahon nga mawagtang ra imong feelings para niya. Ballpen gani mawala, feelings pa kaha. Di man siya utang nga di nimo dapat limtan.! Ayaw na sige'g bisita sa iyang profile. Kung gusto ka, i-unfollow iyang accounts, i-block siya. Bahala'g tawgon og bitter, importante, naningkamot ka'g move-on. Way forever, ingon pa ka, moabot ra ang panahon nga maka move on na ka.