Ayaw panundog sa konduktor

First time gyod ni nako magpatambag sa tawo nga di nako kaila personally. Gusto lang ko makahibaw unsa imong ma advice sa akoa. Kay tanan nako'ng friends, pareha ra gyod ilang tambag nako. Di lang ko maminaw nila. Akong problem kay wa ko kahibaw kinsa akong pilion. Sa kanta pa ni KZ Tandingan, Mahal Ko o Mahal Ako. Dugay na mi's akong uyab, mag three years na. Pero naa ko'y na meet nga bag-o ug na inlove na ko niya. Kun siya akong kauban, ma excite ko pirmi ug mas ganahan ko niya kay adventurous siya. Uyab na mi karon while uyab pa pud mi sa akong present nga uyab. Wa pako nakigbuwag sa akong present nga uyab kay di ko ganahan masakitan siya. Di pa pud ko sure kun kinsa ang pilion nako sa ilang duha. Kung duha lang unta akong heart, sila nalang unta duha akoa. Unsa may angay nakong buhaton? -- Jay

* * *

Jay, nganong mag-wish man ka nga duha imong heart? Maypa unta'g nag-wish ka nga duha imong utok. Aron before ka nakig-close sa imong bag-o, naghunahuna unta ka twice nga naa ka'y mapasakitan sa imong mga buhaton. Di ka ganahan masakitan imong present nga uyab, pero imo silang gidungan. Kun ang imong reason nganong di nimo buwagan imong present kay "DI NIMO SIYA GANAHAN PASAKITAN", di gyud na valid nga rason. Kun di nimo siya ganahan pasakitan, wa unta ka namakak. Kun di na nimo love ang usa ka tawo, at least ingna siya, usa pa ka mangita og bag-o. Di na gani nimo love, imo pa gyud siyang giilad.

Kun love gyud nimo imong present nga uyab, di man ka mangita og lain. Meaning, di gyud nimo siya love. Kay ang tinuod nga in love, bisan pa og di nimo bantayan, di gyud na makigduwa sa uban. Ingon ka, ma-excite ka kun kuyog nimo imong bag-o. Ma-excite ka kay sugod pa man. What if magdayon mo? Magpadayon pa kaha gihapon na ang excitement nga imong na-feel kun molapas namo'g usa ka tuig?

Ayaw sayanga imong almost three years nga relationship, para lang sa short-term nga happiness. Basin magmahay ka nga imo siyang biyaan. Di raba tanang mohawa naa pay balikan. Di tanang biyaan pwede pa mabalikan. Pero kun sure gyud ka sa imong feelings para sa imong bag-o, ingna imong uyab. Pakigbuwag. Ayaw sila dungana, ka gwapo gud nimo. Ang gugma, dili jeep nga pwede ang kabit-kabit. Ayaw'g awat anang mga konduktor sa jeep nga bisan og puno na, mo ingon gihapon og: bakante pa, pwede pa lima.