Blood type

Gula 77

"Unsa may type sa imong dugo?" gisakyan na lang ni Andy ang bayot samtang nagkatawa kini.

"Type BB." matud pa sa bayot. "Type BB? naa diay type sa dugo nga BB?" pagpangunot sa agtang ni Andy samtang padayon ang pagpahiyom. "Yes, naa  akong dugo type BB as in blood type bayot buang ug green ang kolor," matud pa ni Melche dayong buhakhak "Buang," matud pa ni Andy nga misamot ang pagkatawa.

"Maayo unta'g madayonan ko'g kabuang oy aron duna na koy rason nga mopaak nimo unahon gyud nako'g paak kanang imong kissable lips, dayon isunod nako'g paak kanang imong aping nga pwerting lawma og kandiis," matud pa sa bayot  dayon midugang sa pag-ingon "hoy  parehas baya ta baby Andy nga naay kandiis. Kita siguro ang gitadhana para sa usa'g-usa."

"May kandiis ka? Wa man lagi koy nakita sa imong aping nga kandiis kun mo-smile ka?" ni Andy pa"naa oy, ganahan ka motan-aw sa akong kandiis?" matud pa sa bayot.

"Bi kuno  patan-awa ko," matud pa ni Andy.

"Da uy hmmm. Dah!" paghapak ni Melche kang Andy. 'Aray  nanghapak man gud ka diha," matud pa ni Andy nga gihikap ang bukton nga gihapak ni Melche.

"Basin og dili naka ganahang motan-aw sa akong kandiis kun makakita ka sa dapit diin tua ang akong kandiis," matud pa sa bayot.

"Kay hain man gud diay nang imong kandiis?" si Andy nga naglibog.

"Nia sa akong sampot oy," tubag pa ni Melche nga nakapabuhak-hak ni Andy.

"Amaw ka man kaha!" ni Andy pa.

"Suss  kun makakita ka sa akong kandiis sa akong sampot  dili na ka ganahang mawala sa imong panan-aw kay dili na man kandiis imong tan-aw ang bugol ug hamis kong sampot nay kanunayan mo'g tan-aw," matud pa sa bayot. Milingo-lingo na lang si Andy  mikuha sa iyang pitaka aron kabayaran ang usa ka botelyang beer nga iyang nainom ug duha ka lady's drink ni Erica.

"Oy, dako-dako lagi ni baby? Mura'g sobra ra ni sa inyong nainom," matud pa sa bayot  unya miingon ug mihunghong  "shodi abas  dada na ni. Oka nay muotda sa cashier. Baby guwapo ako na ang sobra ani," matud pa sa bayot dayong kuha sa kuwarta nga gibutang sa ulitawo sa lamesa.

"Bahala ka," ni Andy pa nga mipahiyom nga mibiya sa nahimutangan sa bayot daling miadto ang bayot sa cashier aron bayran ang na-order nila ni Andy. Unya oras sa tinggawas  sa gihapon  dungan nga nanggawas sa club sila si Erica ug Melche nag-atang og ilang kasakyan pauli.

"I know wa kay tip," matud pa sa bayot dayong tunol sa kuwarta ngadto kang Erica nga wa makabantay.

"Okay ra bayot nakasabot ra ko ni Andy. Estudyante man gud maikog kong mag atik-atik og estudyante nahibawo baya ka nako. Dili sila pwedeng panguwartahan kay nahibawo ko nga todo budget pod na sila," ni Erica pa.

"Dili na sila masulod kun walay sapi oy ug si Andy nahibawo kong dato to ohh nia dawata ri," matud pa sa bayot, milingi si Erica.

"Kuwarta?" ni Erica pa.

"Oo oy tunga ta ini sukli ni sa gibayad ni Andy sa inyong order" gidawat ni Erica ang kuwarta nga balig 150 pesos. Beep beep beep! Busina sa usa ka sports car ang mihunong sa ilang tungod giklaro sa duha kun kinsay naa sa sulod.

"Dali sulod mo ihatud ta mo sa inyo" si Andy  ug midugang sa pag-ingon, "nalimot sad diay ko nga may ihatag sab diay ko nimo Erica."  "Hala! Basin og engagement ring nana engage? Agad-agad?' matud pa ni Melche. (Sumpayan)