Pure ulitawo

Gula 76

"Ngano matawag ba'g kabit sa usa ka ulitawo sama nako ang usa ka babaye nga dalaga ug wa pa mahikot sa kaminyuon?" seryoso usab nga pulong ni Andy nga wala wad-a ang panan-aw ngadto kang Erica mipahiyom og hilaw ang dalaga.

"Wala man siguroy minyo ang misulod dinhi sa club  kasagaran moingon nga ulitawo pa pero wa hunahunaa ang pangidaron. Aduna pay uban moingon nga ulitawo bisan og may wedding ring ang tudlo," ni Erica pa  sa pagkadungog ni Andy sa wedding ring daling gibuka ang duha ka kamot aron makita ni Erica nga wala siya'y wedding ring nga gisul-ob.

"Pure ulitawo pa ko Erica ug estudyante pa," matud pa sa ulitawo.

"Okay mao man kaha," matud pa sa babaye tungod kay lagi estudyante pa wala kaayo mo-order og lady's drink si Erica kay maikog siya sa lalaki. Nahuna-huna niya nga wala pa kini trabaho maluoy sab siya kay nagsalig pa sa ginikanan mitan-aw sa iyang relo de pulso si Erica ala una na sa kaadlawon.

"Dili ka pa ba mopauli? Ala una na  may klase ka pa ugma kun wala ko masayop," ni Erica pa mipahiyom si Andy.

"Gibugaw na ba ko nimo?" matud pa sa ulitawo nga milakra sa duha ka aping ang lawom kaayo nga kandiis.

"Wala man concern lang ko basin og ma-late ka sa klase ugma kay late kang nakamata," matud pa ni Erica.

"Okay ra kay ala una pa ang akong klase ugma," matud pa sa lalaki.

"Hapit na mo-close ang club  manghipos pa ko sa akong gamit," matud pa ni Erica.

"Bitaw  manghipos pa na sa iyang gamit," pagsagbat pa sa bayot nga si Melchora nga naa ra diay sa ilang tungod.

"Hi Melche!" Pagtimbaya pa ni Andy kang Melchora nga gikilig pud sa gingalan niya sa lalaki.

"Hala oy ganahan lagi ko nimo Andy ay lami ra ang ngan nga Melche, hoyy babaye Melche nay akong ngalan ron ha dili na Melchora sugod karon ako na si Melche erase na si Melchora," matud pa sa bayot.

"Sige moadto na ko sa dressing room," matud pa sa dalaga.

"Hala lakaw na ayaw pagdugay adto na sa dressing room kay ako na say itable ni baby Andy nako tsupe na kita na say mag chika baby Andy. Mag-talk ta about sa akong life story," matud pa sa bayot dayon mibarog si Erica human makapananghid ni Andy.

"Sige adto na lang sab ko," matud pa sa lalaki apan gipugngan siya ni Melchora kon Melche.

"Hala ha sotsab di ganahan nako snob akong beauty? Guwapa sad baya ko ha lamang lang si Erica og half-bath nako noh di sad baya kabintahaan ang akong ganda," matud pa sa bayot.

"Ala una na man gud," ni Andy dayong barog.

" Hoy Andy  gusto ko nga madayon paghubo ang akong panty," matud pa sa bayot.

"Ha!?" medyo nakuratan ang lalaki.

"Kun makakurat wagas ha dili man gud ang imong kamot maoy muhubo sa akong itnap  ang imo mang killer smile. With matching lawom nga kandiis ug mga malulot nga mga mata while staring at me," matud pa ni Melche. Mikatawa si Andy sa mga gipamulong sa bayot nagpamaak ang bayot sa iyang ngabil nga nagtan-aw sa lalaki, "sige pa kana pa  ohhh my goodness gracious  ka-imal ba oy. Igis aps pakapini sad og kidhat oy kay hapit na gyud siya," matud pa sa bayot.

"Unsay hapit na ba?" pangutana pa ni Andy nga padayon nga nagkatawa.

"Hapit na gyud mahagbong ang akong panty  ganahan ka motan-aw sa akong panty? Green ang kolor, berde kay berde sad baya ang kolor sa akong blood  unya ganahan kang mahibawo sa type sa akong dugo?" ni Melche pa. (Sumpayan)