Love Story
Dear Banat News,
Maayong adlaw sa tanang tigbasa og LOVE STORY sa Banat News! Permi gyud ko mag-atang niini nga segment ako si Jana, 24 years old ug usa ka college student.
Naa ko’y uyab ron siya si King pareha mi og edad ug usa siya ka tambay. Sa tinuod lang gikapoy nako og tambag sa akong uyab nga mo-eskwela apan dili gyud mopatuo.
Adunay mga higayon nga moaksyon siya og eskwela apan pila ka buwan moundang ra pud dayon nag-usik usik lang sa tuition. Nagkaila mi ni King, tungod sa among common friends sa sinugdanan dili kay ko ganahan niya kay lagi nakita nako nga tambay ug mura’g wala siya’y plano sa iyang kaugmaon.
Apan sa pagsige namo og uban-uban na-develop na man hinuon ko niya uy busa sa dihang nanguyab siya nako ako ra pud siya nga gisugot.
Usa sa akong nakita niya kay buguyon siya pagkatawo pero gentleman hahaha. Makaingon ang uban nako nga higala nga stupid kay ko nga pagkatawo kay gisugot daw nako si King.
Naa pa ko’y gugma ni King apan kung dili gani siya mag-usab, mohukom na gyud ko puhon nga ako siya nga biyaan bisan sakit alang kanako. Gusto ko nga humanon niya ang iyang pag-eskwela kay kun engkaso nga kami ang magkaminyo dili lisod ang among kaugmaon. Ako ra siya nga gihinay-hinay og tambag ug nisaad siya nga buhaton niya kini sugod karong Hunyo. Kun dili gani niya matuman ang iyang saad, segurado nako nga ako siya nga buwagan. Kay alang kanako dili ta mabusog anang puros lang gugma, kinahanglan mangandam pud ta sa atong kaugmaon .
Mo-request diay ko sa lyrics sa Where Do Broken Hearts Go by Whitney Houston.
Hi Jana! Thank you so much sa imong LOVE STORY! Paabuta ugma puhon ang imong request ugma puhon.
Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story
C/o Banat News
Corner V. Gullas and D. Jakosalem Streets
Barangay Sto. Niño
6000 Cebu City, Philippines
- Latest