Karong Lunes, Mayo 9, na!

Mata’g usa kanato may iya-iyang suliran nga giatubang, espirituwal, pisikal o pinansiyal. Managlahi ang paagi  sa pagsulbad sa maong suliran. Adunay makahuna-huna pagsulbad sa kalisdanan nga gipakasama sa kadaghanan nga usa ka salawayong paagi o buhat. Maoy nahimong bugtong paagi ang paglunang sa kalapokan aron masulbad ang kalisdanan sa pagpuyo. Apan kadtong mga tawo nga mibiay-biay sa iyang pagkatawo nga milunang siya diha sa kalapokan nasayod ba sa matuod nga hinungdan kun nganong anaa siya sa maong dapit, nga gipakasamang maut nga  matang nga dapit niadtong nagpaka santos? Mga tawo nga nagpakabalaan diin ang nawong anaa sa simbahan kanunay apan kun makahukom og tawo daw sila walay bisan gamay’ng buling sa sala. Matud pa, silhigi una ang kaugalingon mong tugkaran una ka manilhig sa tugkaran sa imong silingan. Ayaw paghukom kay wala ka masayod nga ang maong salawayon usa diay ka “Birhen sa Kalapokan”.

#HUGOT

Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan?  Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!

Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.

Ipadayag ang imong HUGOT sa gugma! Ipadala   pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:

HUGOT BALAK

C/o Banat News  V. Gullas St., cor. D. Jakosalem St. Barangay Santo Niño 6000, Cebu City,  Philippines