#Hugot Panaad
Napukaw sa akong panumduman
Ang mga nangagi natong kasinatian.
Wala damha ang atong subling paghimamat
Bisan sa makadiyot nagka abot
Lab-as pa sa akong handurawan,
Ang atong panaghigalaay takulahaw lamang
Kay sa atong paglantugi atong nasayran
Susama ang atong mga gikahiligan
Magbinayloay na kita sa atong mga hunahuna
Atong mga pangindahay sa atong kaugmaon ug katilingban
Kay kita susama ug pagtuo ug paglantaw.
Gitagamtam nato ang kaanindot niining kinabuhing hinugman.
Apan ang palad ‘ta wala mahiuyon
Sa unsa’y atong matuman unta
Nahanaw ang atong mga pangandoy
Napapas ang atong mga tinguha
Apan, nagmakanunayon ko
Nagmalaumon.
Tungod sa imong saad
Magahulat ako.
#HUGOT
Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan? Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!
Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.
Ipadayag ang imong HUGOT sa gugma! Ipadala pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:
HUGOT BALAK
C/o Banat News V. Gullas St., cor. D. Jakosalem St.
Barangay Santo Niño 6000, Cebu City, Philippines
- Latest