Mga mangtas nga iro

Gabii ug hayag kaayo ang buwan kay dael man. Ako nahapugwat sa minanok nga pagkahinanok sa dihang akong nakita ang tulo ka mga dagkong mga iro nga nagngulob.  Binitbit ang tubo ako unta mokanaug aron kun ugaling manghasi sila sa tubo sila pagahapson kay sa mga hayopan ug katawhan kining mga iroa nahimo na mang hulga ug kadautan. Apan sa kalit lang ang mga iro nidagan human madungog ang buto  buto dungan ang pagkalup-og sa usa kanila apan nibangon lang sab kay dyolin lang diay ang bala sa hinagiban… Ang pagkamaigmaton maoy kinahanglanon. Kay dili lang kita makigharong sa mga iro nga yutan-on kun dili sa mga iro usab nga espirituhanon. Ang iro suod sa tawo apan  sa laing bahin mahimong siya ang representation sa kahugawan ug kabangis… kuyog niini ang inordinate nga mga tinguha nga makaingon kitang nigawas na pud ang iniro nga kinaiya…mao nga dili nato tugotan ang bisan unsang instinct nga moduminar lamang nato kondili sa matag bation nato ang mga iniro nga mga tinguha ato pud untang hunahunaon kun maayo ba nga sila paundayonan sa hingpit o pugngan ba hinuon aron mamahimong himsog ang atong pagpuyo.