Wala’y ka-date
Dear Medyo Maldito,
I'm Christine, 25 years old ug no boyfriend since birth. So basically, 25 years nako nga single karong Valentine's day. Ganahan pud unta ko maka-try anang naay ka date kung Valentine's day. Unsa man akong buhaton aron maka kita ko'g date? Dili man sa despirada kaayo ko pero ganahan lang gyod ko maka-experience ana. Thank you, Medyo Maldito.
* * *
Christine, ayaw kabalaka kung single ka karong Valentine's Day. Mas daghan man ang mga single kay sa taken. Wa ka nag-inusara ug daghan ta. Huna-hunaa nga 25 years na ka'ng single, wa pa ka na anad nga wa kay ka-date? Joke lang. I know ganahan lang ka maka-experience nga duna’y ka- date pero di man requirement nga Valentine's Day gyod mo mag-date.
Pero kung gusto gyod kaayo ka maka-try, naay mga apps ron nga pwede ka makapangita og date. Pero ingnon lang tika, ayaw pag problema kung wa kay date karong Valentine's Day. Daghan gani diha ang way papa kung Father's day. Ang February 14, Sunday na, o family day. Puwede ka makig-date sa imong family ana. Since hapit naman gyod ang Valentine's Day, palit na daan og katol aron di ka lamukon, basin mahutdan ka haha! Kanang date og uyab, ayaw pangitaa. Moabot ra lagi na, kung makakita na ka'g uyab, ayaw og sugot nga i-date ra ka kung Valentine's Day. Ayaw og sugot nga sweet ra siya kung February 14. Pilia tong laki nga ipa-feel sa imo nga Valentine's Day everyday. Pero sa pagkakaron, kay single man ta, maypa'g February 29 na lang ang Valentine's Day. Aron usahay ra.
- Latest