Gidili ba ang pagpatay og mananap?

Dear Tita Salie,

Ako si Luvidico Soler, taga Zambales, apan dia ko karon nagtrabaho sa Maribojoc, Tagbilaran City. Mangutana lang unta ko kun daotan ba diay ang pagpatay og mananap? Gusto ko masayod niini kay mao kini ang gisulti sa uban nako nga mga amigo. Pasabta ko Tita Salie.

Dear Luvidico,

Kun ang mananap imong gipatay nga nahasubay sa katuyoan sa Diyos dili kini maisip nga daotan. Pananglitan, kun imong giihaw ang mananap aron pagakan-on, dili kana daotan. Sukad pa sa atong una nga mga ginikanan nila Adan ug Eva, sila gitugotan nga mahimong kan-on ang mga mananap. Apan kun imong gipatay ang mananap aron kini himoon nga kalingawan ug usikan lang ang ilang kinabuhi ug dili kan-on, dili kini makapalipay sa Ginoo. Ang kinabuhi sa mananap giisip sa Diyos nga sagrado usab.

-- Tita Salie