Ready na unta

Dear Tita Salie,

Tagoa lang ko sa ngalan nga Shygurl, I am still single ug dunay boyfriend. Happy ko sa among relasyon ug love gyud kaayo nako kining akong boyfriend, Tita Salie, nga tungod sa akong gugma ako na nga natugyan ngadto kaniya ang tanan lakip na niini ang akong pagka babaye.

Nakita man usab nako nga love pud kaayo ko sa akong boyfriend busa natibuok na gyud ang akong kasingkasing ug hunahuna nga siya na gyud ang lalaki nga gusto nakong minyoan.

Apan dihang andam na unta ko kun ugaling mo-propose na og kaminyoon ang akong bf wala nako damha nga ma-inlove ko sa laing lalaki. Wala gyud ko kasabot sa akong kaugalingon. Palihog pasabta intawon ko sa angay kong buhaton. Daghang salamat.

* * *

Dearest Shygurl,

Ang atong kasingkasing dunay kaugalingong panabot nga sa atong panabot o hunahuna dili masabtan. Sa maong situwasyon kinahanglan gyod nimong hatagan og panahon ang imong kaugalingon ug imong hunahunaon pag-ayo ang imong feelings karon.

Imong tan-awon kun tinuod ba nga gugma ang imong gibati sa imong boyfriend. Sutaa usab kun unsay anaa niining bag-ong lalaki nga miabot sa imong kinabuhi karon kun unsay anaa kaniya nga na-attract kanimo pag-ayo ug nakaingon ka nga nahigugma ka kaniya bisan pa man kun nakahukom kana nga ready kanang magminyo.

Kun tinuod kang nahigugma sa imong boyfriend dili man tingali ingon niana kadali nga mahigugma ka dayon sa lain.

Busa timbangtimbanga kun hain niini ang matuod nga gugma. - Tita Salie