Kalag

Grabe mahigugma si Fermin ngadto sa iyang hinigugma nga si Terla, tungod kay nisaad kini nga pakamatyan ang maong gugma. Unya nagkasabot ang duha nga muadto sa  menteryo aron moduaw sa namatay nga apohan nga babaye ni Terla. Ug nikuyog si Maldo ang manghod ni Terla.

Pagka hapon didto na sila sa  menteryo dala na nila ang pagkaon, kandila ug mga buwak aron ihalad sa apohan nga babaye ni Terla. Apan may nalimtan si Terla wala niya madala ang kuwarta nga gisulod sa pitaka, kay ipalit usab og kuwentas ni Fermin. Kay gihatagan man sab gud siya ni Fermin og singsing agi’g bawos sa ilang kinuptanan sa gugma. Ug gibalik gyud ni Terla uban ni Maldo, bisan gipugngan siya ni Fermin wala gyud kini mopatuo.

Wa palandunga gibati na siya og kakulba, kay wala pa mahibalik ang duha. Apan sa kalit lang may dakong alibangbang nga naglupad-lupad ug nisakdap ni Fermin. Unya nilupad pahilayo kaniya. Nag-ampo na lang si Fermin nga piniyong ang mga mata. Wa magdugay may mga kasikas siyang nabati nga nagpadulong kaniya. Nagkaduol na ang tag-iya sa mga kasikas hangtod nga nitapad kaniya. Daling gibuka ni Fermin ang iyang mga mata aron masuta kinsay tag-iya sa mga kasikas. Napugwat si Fermin kay si Terla diay nga iyang hinigugma.

“Terla, ikaw? Nganong nihilak ka?” ni Fermin.

“Nihilak tungod sa gugma! Pagbinuotan ayaw pasagdi ang imong kaugalingon!” ni Terla.

Apan nahibulong si Fermin kay daling nipahilayo kaniya si Terla. Pagkataudtaod nakita niya sa unahan si Maldo nga nidagan padulong kaniya nga luhaan ang mga mata.

“Kuya Fermin, inanaya ang imong kaugalingon. Patay na si ate Terla. Kay naigo siya sa saag nga bala sa nanag-away nga mga hamtong nga dayo duol sa dalan nga among gibarogan. Unya patay na siya pag-abot sa tambalanan ug tua  ang iyang lawas nga tinabunan sa puti nga habol,” pasabot ni Maldo.

“Terla, pagkabuotan mo...kinsay magtuo nga ang tag-iya sa mga kasikas nga akong nabati, mao na diay kadto ang katapusang panagkita nga usa na ka kalag!” (Kataposan)