Naay kauban

Dear Tita Salie,

Have a wonderful day. I hope that you are always in good health and happy. Just call me Mr. Poggie, usa ka student here in Carmen.

My problem is all about my lovelife. Duna koy uyab sa among school. I really love this person and I am pretty sure nga love pod ko niya.

But one day, nakita man nako siya didto sa among canteen nga dunay laing kauban nga boy. Nagdungan sila og pangaon. Dili nako masabtan ang akong gibati, Tita Salie.

Mora’g nabugnaw na ko sa among relasyon. Apan wala siya masayod nga lahi na ang akong gibati kaniya. Wala man siya masayod nga nakakita ko nila.

Unsay maayo kong buhaton? Palihog pasabta ko, Tita Salie. Thank you very much and more power.

* * *

Good day  Mr. Poggie,

Ayaw paghunahuna dayon og daotan sa imong nakita nga nangaon ang imong uyab sa canteen kuyog ang lain nga boy kay wala pa man kita masayod kun duna ba sila’y relasyon.

Adunay daghang rason nganong magkuyog ang usa ka lalaki ug babaye ug dili kay manag-uyab ra ang hinungdan. Busa ang labing maayo nimong buhaton mao nga imong pangutan-on ang imong uyab kun kinsa kadtong maong lalaki nga kausa imong nakit-an nga kauban niya nga nangaon sa inyong canteen. Pangutan-a kun  unsay anaa kanilang duha nga nagkuyog man sila. Kinsay nasayod o basin diay iya kadtong igsoon o ig-agaw.

Unya na paghukom human nimo masayran kun kinsa kadtong maong lalaki. Aron dili maguba ang imong relasyon tungod sa wala pay kaseguroan nga hinungdan.

-- Tita Salie