Nag-sex sa damgo

Dear Tita Salie,

Maayong adlaw. Hinaut nga anaa ka kanunay sa maayong panglawas. Ug hinaut usab nga madasigon ka kanunay sa pagtabang kanamo nga nagkinahanglan sa imong bulawanong tambag.

Kanunay kong nagsunod sa imong column, Tita, tungod kay kausa akong nabasa ang pasabta duna dayon koy nakuha nga lesson niini nga puweding gamiton sa akong kinabuhi. Mao nga mapasalamaton kaayo ko nga dunay lindog nga ingon niini dinhi sa Banat News.

Just call me Ryan, I’m 17 years of age. My problem is about my life ug sa akong kaugalingon kay dili gyud ko kasabot nako, Tita.

Duna koy uyab sa una nga babaye, apan wala ni-work ang among relationship busa nagbulag na lang mi. Then, naa koy crush nga lain ug nag-sex pa gyud mi sa akong damgo, Tita. Ganahan kaayo ko niya. Magsige lang gud ko og hunahuna niya.

Pero ang wala nako masabti kun nganong ganahan gihapon ko motan-aw og lalaki. Ma-attract man ko og pareho nako, Tita. Naglibog gyud ko nako. Bayot ba ko Tita? Palihog pasabta ko. Thank you so much and more power.

* * *

Hello Ryan,

Sa imong problema nga gipadala makaingon gyud ko nga tinuod nga dunay double blade nga tawo. And I know nga wala gyud nimo tuyoa nga maingon ka niana tungod kay mao gyud kana ang imong pagkatawo.

Lisod kaayo pagsulti kun unsaon nimo pag-handle ang maong situwasyon. Dili gyud puwede moingon nga magpakatutuo ka tungod kay tinuod na ang imong gipakita.

Tinuod nga naglisod ka pagpangita og solution sa imong problema tungod kay dili feelings ang involved niini, dili usab kini about legality or morality, but  this  is about your identity kun kinsa gyud ka sa imong pagkatawo.

Busa sulayi lamang paghimo kining akong isulti. Hunahunaa kuno pag-ayo kun hain sa duha ang mas at home ka sa imong kaugalingon. Hain sa duha ang mas ganahan ka nimo, ang tunay nga pagkalalaki ba o ang pagka-gay. Kay gay or homosexual man gyud ang lalaki nga ganahan og pareha niya.

If ganahan ka ug at home ka sa imong kaugalingon nga lalaki kang tinuod mao kini ang project sa imong self. Unya kun motukar ang time nga ganahan ka’g lalaki labani kini pinaagi sa imong hunahuna. Pugngi kini pinaagi sa pag-control sa imong kaugalingon. Apan kun mas ganahan ka sa imong self as gay, magpakatutuo ka. Wala sila’y labot kun unsa ka, kay duna kay kaugalingon nga angay nilang respetohon. -- Tita Salie