‘Sigue-sigue gang’, bulagta
MANILA, Philippines - Bulagta ang isang pinaniniwalaang miyembro ng ‘Sigue-Sigue Sputnik Gan’g nang pagbabarilin sa ulo ng hindi pa kilalang salarin, habang nakatayo ito sa eskinita ng Gate 10, Area B, Parola, Tondo, Maynila, kamakalawa ng gabi.
Dead-on-the-spot ang biktima na kinilala lang sa alyas na Jack, nasa 25-30 anyos, katamtaman ang katawan, nasa 5’4 ang taas at nakasuot ng puti na sando, blue na six-pocket shorts at blue na tsinelas.
Sa ulat ni SPO1 Bernardo Cayabyab ng Manila Police District-Homicide Section, dakong alas -11:05 ng gabi nang maganap ang pamamaril sa nasabing lugar.
Wala ng iba pang nakakilala sa biktima at hindi umano ito residente ng lugar.
Nakarinig lamang umano ng mga putok ang mga residente at walang nais magbigay ng impormasyon sa kung sino ang salarin at kung ano ang motibo sa pagpaslang dito.
Nakita lamang umano na nakatayo ang biktima nang lapitan ng isang lalaki at pinaputukan ng ilang ulit bago kaswal na naglakad papalayo sa lugar ang huli.
- Latest
