Agosto 25, 2014

SAGITTARIUS (Nob. 23-Dis.21)  — Klaroha ang talagsaong tanyag sa trabaho ug negosyo. Humana ang napasagdang buhat sa pinuy-anan ug tunghaan.  Swerte ka karong adlawa.

CAPRICORN (Dis. 22-Ene.19) — Pag-abtik sa imong lihok sa trabaho ug negosyo.  Surprisang selebrasyon ang ihatag sa imong pinangga.  Demalas ka karong adlawa.

AQUARIUS (Ene. 20-Peb.18) —  Dawata ang matinud-anong tabang gikan sa imong paryente.  Ayaw kahinayak sa badlongong pinangga.  Disgrasya sa sakyanan pag-aligmat. Butang Debwenas – Presko nga buwak.

PISCES (Peb. 19-Mar 20) — Dumadaog ka sa imong mga laraw sa tanang buhat.  Hatagi’g surprisang lipay-lipay ang imong pinangga.  Wala kay peligrong paaboton ning adlawa. Butang Debwenas – Bankbook.

ARIES (Mar 21-Abr. 19) — Kalampusan sa trabaho ug negosyo ang mopakita ning adlawa.  Dad-a sa malipayong dapit ang imong pamilya.  Wala kay kuyaw abtonon ning adlawa.

TAURUS (Abr. 21-May 20) — Huna-hunaa og maayo ang imong mga laraw sa kuwarta ug gugma aron dili ka mauwat.  Pagmenos sa imong sobrang gastos ug lingaw-lingaw.

GEMINI (May 21-Hun. 21) — Hibaw-i og unsay gitagoang bisyo sa imong pinangga.  Pun-i pa ang imong pagpaningkamot sa kuwarta ug gugma.  Sa kawatan pag-alisto.

CANCER (Hun. 22- Hul.22)  — Hatagi’g maabi-abihong pagtagad ang imong kabanay ug kahigalaan.  Hikalimti ang miaging kasamok sa gugma.  Aksidente sa kuryente pag-amping.

LEO (Hul.23-Ago 22) — Malinawong pagsulbad sa kagubot sa pamilya, trabaho ug gugma ang ipahimutang.  Surprisang bisita gikan sa halayong dapit umaabot. Sa dunggab pagmatngon. Butang Debwenas – Kan-on nga sinangag.

VIRGO (Ago 23-Set. 23) —  Paminawa ang maayong tambag sa negosyo ug trabaho gikan sa imong pinangga.  Likaye ang mga abusadong kaila ug silingan.  Sa sunog pagbantay.

LIBRA (Set. 24-Okt. 23) —  Kagul-anan sa negosyo, trabaho ug gugma ang moigo kanimo.  Ipakita ang maayong batasan bisan asa ka punta.  Sa lalis ayaw pag-apil.

SCORPIO (Okt. 24- Nob. 22)  —  Kadaugan sa negosyo ug trabaho ang mahitabo.  Likaye ang sobrang kaon ug inom sa vino.  Demalas ka karong adlawa.