Ang pag-ayo sa leukemia
Sa may sakit nga leukemia, kon ang kanser niya naa na sa stage-1 ngadto sa stage-2, obserbahan pa ni nila kanunay o sagad hatagan ni’g tambal dungan sa pagkemoterapy. Niadtong anaa na sa stage 3 ngadto stage 4, ang himuon sa doktor mao na ang pagsigi og chemotherapy, hangtud mawala na sa hingpit ang kanser. Kay kon may nahibilin pa, dali ra kini modaghan.
Apan kining tanan, mag-agad ra pud sa resistensya sa panglawas sa pasyente. Ang ubang doktor, aron sa paghatag konsuylo nga mamaayo pa, sagunsonon usab kining kemohan nga may tambal, aron paglugway og taas-taas pa nga panahong mabuhi, labi na nga anaa pay kwartang ikasustenir. Matud pa, katungdanan nila nga kutob mahimo, buhaton nila nga mabuhi pa.
Hinuon ang mga doktor o ang mga eksperto aning sakita, mikompirmar nga lisud gyud ayohon kining sakita, gawas lang kon kini sayo nadiskitahan, malagmit may purohan pang makontrol kini nga di mograbe ang kanser.
Didto sa China, aduna silay gitanyag nga serbisyo alang ning sakita. Matud nila nga duna nay ubay-ubay nga nangaayo niining prosesoha nga ginganlan nila og “stemcells transplantation” Pero dili gihapon sila seguro nga makagarantiya, kay aduna pa man silay gihimo sa uban nga wala pa mosaler aning paagiha. Gastoso kini, apan bahala na basta hingpit lang mamaayo.
May kaila kong may kanser, gipagawas na lang sa ospital kay wa nay remedyo. Apan pursigido siya nga mamaayo pinaagi sa hingpit niyang pagtuo sa Dios. Hangtud karon buhi pa nga naminyo’g pastor o ministro nila.
- Latest
